दरम्यान, या प्रकरणात यवत पोलिसांनी दोन संशयित नातेवाईकांनाही ताब्यात घेतल्याची माहिती आहे. त्यामुळे हा प्रकार चोरीचा की जुन्या वादाचा याविषयी वेगवेगळे तर्कवितर्क लढवले जात आहेत.
Pune News: पतीचं अफेअर सहन होईना, विवाहितेने आयुष्य संपवलं; पण अखेरच्या पत्राने गुंता वाढला, पुण्यात काय घडलं?
याप्रकरणी यवत पोलिसांनी दिलेल्या प्राथमिक माहितीनुसार, यवत रेल्वे स्टेशन येथील निलकंठेश्वर मंदिराजवळ शेतात शशिकांत चव्हाण यांचे घर आहे. बुधवारी (०५ मार्च) रात्री पावणे अकराच्या आसपास तीन अज्ञात चड्डी- बनियन घातलेल्या व्यक्ती शशिकांत चव्हाण यांच्या घरात घुसले. त्यांनी थेट दगड, काठ्यांनी घरात असलेल्या व्यक्तींना बेदम मारहाण करण्यास सुरुवात केली. ही मारहाण एवढी क्रूर आणि बेदम होती की, अविनाश शशिकांत चव्हाण या ३४ वर्षीय व्यक्तीचा यात मृत्यू झाला. यावेळी घरात पाच लोक होते. त्यापैकी चार जण गंभीर जखमी झाले आहेत. यातील एक जण अत्यवस्थ आहे. त्याच्यावर लोणी काळभोर येथील खाजगी रुग्णालयात उपचार सुरू असून उर्वरित तीन जणांना रुग्णालयात दाखल केले असून, अतिदक्षता विभागात उपचार सुरू आहेत.

हा नेमका जुना वाद आहे की, चोरीचा उद्देशाने हा हल्ला करण्यात आला. याचा तपास पोलीस करत असून चव्हाण कुटुंबाचा त्यांच्याशी वाद होता, त्या दोन संशयित नातेवाईकांनाही पोलिसांनी ताब्यात घेतले आहे. दरम्यान, पुणे येथील ठसे तज्ज्ञ आणि श्वानपथक घटना स्थळी दाखल झाले होते, त्यांनीही पाहणी केली. सध्या या प्रकरणाचा तपास सुरु आहे.