व्हायरल होणाऱ्या व्हिडीओनंतर आमदार सुरेश धस यांनी स्पष्ट सांगितले की, सतीश भोसले याला मी ओळखतो आणि तो माझ्याकडे कधी कधी येतो. पण तो मागे काय करतो हे मला थोडीच माहिती आहे. सतीश भोसले याच्या मारहाणीच्या व्हिडीओनंतर सामाजिक कार्यकर्त्या अंजली दमानिया या चांगल्याच आक्रमक झाल्या आहेत. जालना आणि शिरूरच्या या दोन्ही मारहाणाच्या व्हिडीओनंतर अंजली दमानिया यांनी मुख्यमंत्र्यांचा इशारा दिलाय.
Suresh dhas : सतीश भोसलेचा मी बॉस आहे, पण… सुरेश धस यांचे ‘त्या’ कार्यकर्त्याबाबत मोठे विधानअंजली दमानिया यांनी म्हटले की, एका व्हिडीओमध्ये हा सतीश भोसले सरकार, दहशत आणि पैसा आमचा असल्याचे म्हणतोय. सेम जे कराडचे होते ते मोठ्या मोठ्या २५ गाड्या घेऊन जातानाचे सेम तसेच व्हिडीओ या माणसाचे (सतीश भोसले) सुद्धा आहेत. यामुळेच असे वाटते की, हे सर्वजण एका माळेचे मणी आहेत. हे सर्वकाही राजकारणांच्या वरहस्ताने सुरू आहे. जर देवेंद्र फडणवीस यांना असा महाराष्ट्र नको असेल तर त्यांनी अधिवेशानात यावर बोलले पाहिजे.

पुढे अंजली दमानिया म्हणाल्या की, नाही तर मी अधिवेशनाच्या तिथे येऊन आंदोलन करेल. आजचा दिवस मी वाट बघणार आहे, उद्या मी अधिवेशनाच्या बाहेर बसणार आहे. यावेळी अंजली दमानिया या सुरेश धस आणि सतीश भोसले यांचे फोटो दाखवताना देखील दिसल्या. हे फोटो घेऊनच मी आंदोलनाला बसणार असल्याचे दमानिया यांनी म्हटले. आता यावर मुख्यमंत्री देवेंद्र फडणवीस हे काय बोलतात, याकडे सर्वांच्या नजरा लागल्या आहेत.