दररोज वेगवेगळे कारनामे आरोपीचे उघडकीस येत असतानाच आता आरोपी दत्तात्रय गाडे याच्याबद्दल एक धक्कादायक माहिती आणि फोटो पुढे आली आहे. आरोपी दत्तात्रय गाडेचा पोलिस वेषातील फोटो समोर आलाय. आरोपी हा लोकांना पोलिस असल्याचे भासवत आणि त्यानंतर तो लुटमार करायचा. आरोपीचा पोलिस वेषातील फोटो व्हायरल झाल्यानंतर आता मोठी खळबळ निर्माण झालीये. अनेक कारनामे त्याचे उघडकीस होताना दिसत आहेत.
मुंबईत १२ वर्षाच्या मुलीवर ५ नराधमांकडून अत्याचार, मोठी खळबळ, पॉक्सोअंतर्गत गुन्हा दाखलकाही दिवसांपूर्वीच सांगण्यात आले होते की, दत्तात्रय गाडे हा पीएमपी आणि एसटी बसस्थानक परिसरात पोलिसांच्या वेषात फिरायचा. यावेळी तो मुलींना आपण पोलिस असल्याचे सांगायचा. त्यामध्येच आता त्याचा हा फोटो व्हायरल होताना दिसतोय. आरोपी दत्तात्रय गाडे याने दावा केला की, आपण त्या मुलीला पैसे दिली आहेत आणि आमची अगोदरच ओळख होती. आरोपीच्या विरोधात सध्या अनेक पुरावे पोलिसांना मिळताना दिसत आहेत.

मुलीवर अत्याचार केल्यानंतर आरोपी काही तास आपल्या ऊसाच्या शेतात लपून बसला होता. पोलिसांनी आणि गावकऱ्यांनी मोठे प्रयत्न केले आणि आरोपी पोलिसांच्या ताब्यात आला. तो पाणी घेण्यासाठी ऊसाच्या शेतातून बाहेर आला असता पोलिसांनी त्याला ताब्यात घेतले होते. हेच नाही तर यादरम्यान आरोपी दत्तात्रय गाडे याने तब्बल तीन वेळा आत्महत्या करण्याचा प्रयत्न केल्याचीही माहिती पुढे आली. याप्रकरणात अजून काही मोठे खुलासे होण्याची दाट शक्यता देखील आहे.