माहुल पम्पिंग स्टेशन हे वडाळ्यामध्ये मिठागराच्या जागेत होणार आहे. यातील अडचणी दूर करण्याचे प्रयत्नही सुरू आहेत. येथील मूळ जमीनमालक आणि केंद्रीय मीठ आयुक्तांशी चर्चा केली जात आहे. भूसंपादन होत नाही तोपर्यंत प्रत्यक्ष कामाला सुरुवात होणार नसल्याचे अधिकाऱ्यांनी सांगितले.
MLC Election : महाराष्ट्रात पुन्हा राजकीय चुरस, विधान परिषदेच्या रिक्त जागांसाठी निवडणूक जाहीर, वाचा A टू Z कार्यक्रम
पर्जन्य जलवाहिनी प्रकल्प तूर्तास बाजूला
दरवर्षी पावसाळ्यात अंधेरी सब वे जलमय होतो आणि त्याचा फटका रस्ते वाहतुकीला बसतो. यातून मार्ग काढण्याच्यादृष्टीने मुंबई महापालिकेने पाणी वाहून जाण्यासाठी मोगरा नाल्याजवळ पर्यायी पर्जन्य जलवाहिनी टाकण्याचा निर्णय घेतला होता. मात्र ही जलवहिनी करूनही पाणी तुंबण्याचा धोका कायम आहे. या परिसरात ५५ मिमी किंवा त्यापेक्षा अधिक पाऊस पडतो आणि नाले तुडुंब वाहू लागले. त्यामुळे हीच क्षमता आणखी ७० मिमीपर्यंत वाढवण्याचा विचारही होता. मात्र त्यामुळे २०९ कोटी रुपयांच्या या प्रकल्पाचा खर्च आणखी वाढण्याची शक्यता आहे. परिणामी हा प्रकल्पही तूर्तास बाजूला ठेवण्यात आल्याचे वरिष्ठ अधिकाऱ्याने सांगितले.

सध्या तरी प्रतीक्षाच ! माहुल पम्पिंग स्टेशन झाल्यानंतर वडाळा, किंग्ज सर्कल, गांधी मार्केट, चेंबूर, सायन भागाला, तर मोगरा पम्पिंग स्टेशनमुळे अंधेरी, जोगश्वरी स्टेशन परिसरासह मालपा डोंगरी, वर्सोवा आदी भागांना दिलासा मिळेल. मात्र, यासाठी सध्या तरी प्रतीक्षा करावी लागणार आहे. मोगरा पम्पिंग स्टेशनच्या उभारणीसाठी ३८३ कोटी, तर माहुल पम्पिंग स्टेशनसाठी ३५० कोटी खर्च येणार आहे.