विशेष म्हणजे प्रत्येक पक्षाकडून कुणाकुणाला उमेदवारी मिळते ते पाहणं देखील महत्त्वाचं आहे. या निवडणुकीत महायुती विरुद्ध महाविकास आघाडी यांच्यात थेट लढत असणार आहे. असं असलं तरी मनसेला भाजपकडून विधान परिषदेच्या एक जागेसाठी संधी दिली जाते का? ते पाहणं देखील महत्त्वाचं आहे. कारण मुंबई महापालिका निवडणुकीच्या पार्श्वभूमीवर मनसेला सोबत घेताना भाजपकडून मनसेला विधान परिषदेची एक जागा दिली जाऊ शकते, अशी राजकीय वर्तुळात गेल्या अनेक दिवसांपासूनची चर्चा आहे. आता ही चर्चा प्रत्यक्षात खरी ठरते का? याबाबत उत्सुकता आहे.

निवडणुकीचा ‘असा’ आहे कार्यक्रम

विधान परिषदेच्या 5 जागांसाठी 10 मार्च ते 17 मार्च या कालावधीत उमेदवारांना अर्ज करता येणार आहेत. त्यानंतर उमेदरावांच्या अर्जाची 18 मार्चला छाननी होणार आहे. या निवडणुकीत अर्ज केल्यानंतर अर्ज मागे घेण्याचा निर्णय झाला तर तसा अर्ज मागेदेखील घेता येऊ शकतो. अर्ज मागे घेण्यासाठी शेवटची तारीख ही 20 मार्च असणार आहे. पण त्यानंतर अर्ज मागे घेता येणार नाही. मग थेट मतादानाच्या प्रक्रियेत त्या उमेदवाराचे नाव सहभागी झालेले बघायला मिळेल.
Azad Maidan Protest : आझाद मैदानावर वातावरण तापलं, आंदोलक मंत्रालयाच्या दिशेला जात असतानाच पोलिसांनी रोखलं
या सर्व प्रक्रियेनंतर 27 मार्चला विधान परिषदेच्या सर्व 5 रिक्त जागांसाठी मतदान होणार आहे. मतदानानंतर त्याच दिवशी संध्याकाळी मतमोजणीला सुरुवात होणार आहे. या रिक्त जागांवर कोणाची निवड होणार? हे पाहणं आता महत्त्वाचं ठरणार आहे. याआधी झालेल्या विधान परिषदेच्या निवडणुकीत महायुती विरुद्ध महाविकास आघाडी यांच्यात चांगलीच चुरस बघायला मिळाली आहे. त्यामुळे या निवडणुकीतही तशी चुरस बघायला मिळण्याची शक्यता आहे.