मिळालेल्या माहितीनुसार, २०१६ मध्ये पापा हे शासकीय मुद्रणालयातून निवृत्त झाले. २०१८ मध्ये त्यांनी दुर्गानगर येथे प्रशस्त घर बांधले. ते घरात पत्नी अनिता, मुलगा श्रीकांत आणि मुलगी सोनालीसोबत राहायचे. पत्नी अनिता या खासगी काम करतात. मुलगी सोनाली ही बुटिकमध्ये आहे. तर मुलगा श्रीकांत हा एका कंपनीतर्फे टीव्ही लावण्याचे काम करतो. सकाळी १० ते दुपारी ४.३० वाजतापर्यंत पापा हे बहुदा घरी एकटेच असतात.
Ratnagiri News : दोन दिवसांपासून बोलणं नाही, पोलिसांना मोबाइल लोकेशनमुळे समजली भीषण दुर्घटना; रत्नागिरीत मायलेकाचा मृत्यू
मंगळवारी सकाळी नेहमीप्रमाणे पत्नी, मुलगा, मुलगी – अनिता, श्रीकांत आणि सोनाली कामावर गेले. त्यानंतर दुपारी लुटारू त्यांच्या घरात घुसला. पापा यांनी त्याला विरोध केला. पापा यांच्या प्रतिकारानंतर लुटारूने धारदार शस्त्राने गळा चिरुन त्यांची हत्या केली आणि चोरटे घरातून पसार झाला.
Nandurbar News : तळपत्या उन्हात घराबाहेर पडले, मुलगा-मुलगी दुचाकीहून शिरपूरला निघाले, पण वाटेत जे घडलं त्याने गावात शोककळा

घरचा दरवाजा उघडा दिसल्याने संशय

दुपारी ४.३० वाजताच्या सुमारास एका नागरिकाने श्रीकांतच्या मोबाइलवर संपर्क साधला. ‘तुझ्या घराचा दरवाजा उघडा असून घरात कोणीही दिसत नाही’,असे सांगितले. श्रीकांत लगेच घरी आला. घरात जाताच पापा हे रक्ताच्या थारोळ्यात पडलेले दिसले. त्याने हंबरडा फोडला. स्वत:ला सावरत श्रीकांतने कोराडी पोलिसांना माहिती दिली. माहिती मिळताच पोलीस सहआयुक्त निसार तांबोळी, पोलिस उपायुक्त निकेतन कदम, साहाय्यक पोलिस आयुक्त सत्यवीर बंडीवार, कोराडी पोलिस ठाण्याचे वरिष्ठ पोलिस निरीक्षक प्रवीण पांडे यांच्यासह पोलिसांचा ताफा तेथे पोहोचला.

पोलिसांनी पंचनामा करून पापा यांचा मृतदेह हॉस्पिटलकडे रवाना केला. लुटपाट करण्याचा विरोध केल्याने लुटारूने पापा यांची हत्या केल्याचा संशय पोलिसांना आहे. याप्रकरणी कोराडी पोलिसांनी खुनाचा गुन्हा दाखल करून मारेकऱ्याचा शोध सुरू केला.