पुण्यातल्या कोथरूड परिसरामध्ये गेल्या दोन ते तीन दिवसापासून भयानक घटना घडत आहेत. भाजप बहुल मतदारसंघ असलेल्या मतदार संघात केंद्रीय मंत्री मुरलीधर मोहोळ यांच्यात कार्यकर्त्याला कुख्यात गुंड गजानन मारणे याच्या सदस्यांनी केंद्रीय मंत्री मुरलीधर मोहोळ यांच्या कार्यकर्त्याला बेदम मारहाण केल्याची घटना घडली होती. त्यानंतर परिसरात काही टोळक यांनी गाड्या फोडल्याची घटनाही समोर अली होती. तर दुसऱ्याच दिवशी एका तरुणाचा निर्घृण खून करण्यात आला होता. सातत्याने या घटना घडत असल्यामुळे कोथरूड या विभागाचा कुठेतरी बीड होतोय का अशी भीती आता तिथल्या ग्रामस्थांना बसली आहे. त्यामुळे बॅनरच्या माध्यमातून थेट मुख्यमंत्र्यांना कोथरूड वाचवण्याची हाक दिली आहे.

बॅनर वर लिहिण्यात आलेला मचकूर

मा. मुख्यमंत्री, यांना पत्र कोथरूड च बीड होण्यापासून वाचवा

आमच कोथरूड असं नव्हत..

गुन्हेगारांना अभय कोण देत ?

* त्यांना पैसा कोण पुरवत, पोशिंदा कोण ?

* पोलिसांवर कोणाचा दबाव आहे का ?

* गुन्हेगारी प्रवृत्त करणाऱ्या रिल्स कोण पसरवत ?

* छोटे मोठे व्यावसायिकांची मुस्कट दाबी कोण करत ?

* गुन्हेगारांना राजकीय अभय नको ?

* गुन्हेगारांना रस्ता अडवून, कर्कश व नियमबाह्य साउंड लावून उन्माद माजवायला पॉन्सरशिप कोण करत अश्या प्रकारे गुन्हेगारांना संघटीत होण्यास कोण प्रवृत्त करत ?

* गुन्हेगारी वृत्तीचे लोक वर्गणीच्या नावाखाली घोळक्याने खंडणी मागतात कारवाई कोण करणार ?

* गुन्हे नोंद असणाऱ्या गुन्हेगारांचे अनधिकृत फ्लेक्स बॅनर वर चमकोगिरी वर का कारवाई होत नाही ?

* कोथरूड मध्ये सतत होणाऱ्या चोऱ्या, खून, हाणामाऱ्या याला जबाबदार कोण अश्या प्रकार हा मचकूर त्या बॅनर वर लिहिण्यात आला आहे.