किरकोळ विक्रेत्यांकडे साबुदाणा ७० रुपये किलो, तर शेंगदाणा १३० रुपये किलो दराने उपलब्ध असून, गतवर्षीच्या तुलनेत खजुराचे दरही १२० ते ३०० रुपये किलो याप्रमाणे आवाक्यात आहेत. मात्र, एकीकडे फराळाचे पदार्थ स्वस्त होत असताना खाद्यतेलाची दरवाढ कायम असल्याचे दिसून आले. महाशिवरात्रीनिमित्त शहरात विविध धार्मिक कार्यक्रमांचे आयोजन करण्यात आले आहे. त्यानिमित्त घरोघरी उपवासासह अनेक ठिकाणी महाप्रसाद करताना फराळाचे वाटप केले जाणार आहे. त्यामुळे गेल्या तीन-चार दिवसांपासून साबुदाण्याच्या मागणीत वाढ झाली आहे.
एसटीचे ‘नाथजल’ दिखाव्यापुरतेच! बसस्थानकांवर ५ रुपये जादा आकारणी, प्रवाशांना आर्थिक फटका
किरकोळ बाजारात साबुदाणा, शेंगदाणा, खजूर, राजगिरा आणि फळांना मागणी वाढली आहे. यंदा साबुदाणा आणि शेंगदाणाही आवाक्यात असल्याने सर्वसामान्यांना दिलासा मिळत आहे. गतवर्षी ७५ रुपये किलोने विक्री होणारा साबुदाणा यंदा ७० रुपये किलोने विक्री होत आहे. तर १५० रुपये किलोने विक्री होणारे शेंगदाणे सद्यस्थितीला १२५ ते १३० रुपये किलोचा दर आहे. या पार्श्वभूमीवर आगामी काही दिवसांत खाद्यतेलांचे मात्र वाढणार असल्याचेही व्यावसायिकांकडून सांगितले जात आहे.
महाकुंभमेळ्यात आतापर्यंत किती भाविकांनी स्नान केले? खुद्द योगींनीच सांगितला आकडा, म्हणाले…
कवठ, फळांना मागणीसध्या बाजारपेठेत आंबा आणि द्राक्षांसह विविध हंगामी फळांची मुबलक आवक होत आहे. त्यात प्रामुख्याने पेरू, चीकू, पपई, सफरचंद, तसेच कवठालाही मागणी वाढली आहे. सफरचंदांची आवक मर्यादित असल्याने दर २०० रुपये किलोपासून पुढे आहेत. पेरूचे दर १०० रुपये किलो, पपईचे दर ५० रुपये किलोपासून पुढे आहेत. याशिवाय स्ट्रॉबेरी, मोसंबी, संत्रीची जोरदार खरेदी सध्या ग्राहकांकडून केली जात आहे. खास महाशिवरात्रीसाठी कवठही बाजारात दाखल झाले असून, १० ते २५ रुपयांना ते उपलब्ध आहे.