Free Surgery for Needy Children in Baramati : बारामतीमध्ये लहान मुलांसाठी अजित पवार आणि सुनेत्रा पवार यांनी दिलासादायक उपक्रम सुरू केला असून यात गरजू मुलांवर विनामूल्य उपचार करण्यात येणार आहेत.
गरजू मुलांवर बारामतीत विनामूल्य शस्त्रक्रिया
बारामतीतील मुथा हॉस्पिटलमध्ये बालरोगतज्ज्ञ डॉ. राजेंद्र मुथा आणि डॉ. सौरभ मुथा यांच्या सहकार्याने मुंबईतील प्रख्यात शल्यविशारद डॉ. संजय ओक आणि त्यांचे सहकारी हे लहान मुलांवर सेवाभावी वृत्तीने मोफत शस्त्रक्रिया करत आहेत. शनिवार आणि रविवार या दोन दिवसांत ३० बालकांवर विविध शस्त्रक्रिया केल्या जाणार आहेत. त्यात हर्निया, टाळूला चिटकलेली जीभ दुरुस्त करणं, तसंच शरीरावरील गाठी काढणं यासारख्या शस्त्रक्रियांचा समावेश आहे.
Sindhudurg News : पुण्यातील पाच पर्यटक तारकर्ली समुद्रात बुडाले, दोघांचा मृत्यू; आनंदाच्या क्षणी आक्रित घडलं
या उपक्रमाच्या उद्घाटनप्रसंगी पुण्यश्लोक अहिल्यादेवी होळकर शासकीय वैद्यकीय महाविद्यालयाचे अधिष्ठाता डॉ. चंद्रकांत म्हस्के, तालुका आरोग्य अधिकारी डॉ. मनोज खोमणे, तसंच डॉ. राजेंद्र मुथा, डॉ. सौरभ मुथा, अनिल नवरंगे, अनिल जोगळेकर, माजी नगराध्यक्षा भारती मुथा, प्रियांका मुथा, डॉ. अनिल मोकाशी, अजित पवार यांचे विशेष कार्यकारी अधिकारी नितीन हाटे, किरण तावरे आणि प्रशासकीय अधिकारी नंदकुमार कोकरे यांची उपस्थिती होती.
Crime News : महाकुंभ मेळ्यात स्नान केलं, घरी आले आणि… कॉन्स्टेबल पतीचं पत्नीसोबत भयंतर कृत्य, घटनेने खळबळ
मोफत शस्त्रक्रियांचा उपक्रम नियमित राबवणार
उपमुख्यमंत्री अजित पवार आणि खासदार सुनेत्रा पवार यांच्या प्रेरणेतून बारामतीत हा उपक्रम सातत्याने राबवण्याचा संकल्प केला आहे. यामुळे गरजू बालकांना मोफत आणि दर्जेदार आरोग्यसेवा मिळेल, असं डॉ. संजय ओक यांनी या उपक्रमाच्या उद्घाटनप्रसंगी बोलताना सांगितलं.
अजितदादा म्हणाले अर्ध कच्चं चिकन खाल्ल्यास GBS चा धोका, पोल्ट्री मालकांचा धंदा बुडाला, खरं काय?
उपचारांची नवी पहाट
लहान मुलांसाठीच्या या अभिनव उपक्रमामुळे बारामतीतील गरजू कुटुंबांसाठी आरोग्यसेवेचं नवं दार खुलं झालं आहे. आर्थिक अडचणींमुळे उपचारापासून वंचित राहणाऱ्या मुलांसाठी हा उपक्रम एक मोठी संधी ठरणार आहे.
बारामतीत गरजू मुलांवर मोफत शस्त्रक्रिया, अजित पवार-सुनेत्रा पवारांचा उपक्रम, या रुग्णालयात होणार उपचार
दरम्यान, अनेक लहान मुलांवर त्यांच्या कुटुंबाची आर्थिक परिस्थिती चांगली नसल्याने त्यांच्यावर उपचार होत नाहीत. यामुळे लहान मुलांच्या आरोग्यावर मोठा परिणाम होताना दिसतो. मात्र आता बारामतीतील या लहान मुलांना मिळणाऱ्या सुविधेमुळे मुलांना वेळेत योग्य उपचार मिळून त्यांना मोठा फायदा होणार आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा