न्यायालयाने काय म्हटले?

१८ फेब्रुवारीच्या सुनावणीत सत्र न्यायालयाचे न्यायमूर्ती डी.जी. ढोबळे म्हणाले की, अश्लीलतेचे मूल्यांकन ‘समकालीन सामुदायिक मानके लागू करणाऱ्या सरासरी व्यक्तीच्या’ दृष्टिकोनातून केले पाहिजे. न्यायालयाने असे नमूद केले की, रात्री ११ ते १२:३० या वेळेत तक्रारदाराला ‘तू सडपातळ आहेस’, ‘तू खूप हुशार आहेस’, ‘तू गोरी आहेस’, ‘मी ४० वर्षांचा आहे’, ‘तू विवाहित आहेस की नाही?’ असे संदेश पाठवले जात होते. आणि ‘मला तू आवडतोस’ असे मेसेज करायचा आणि फोटो देखील पाठवयचा. या प्रकाराला कंटाळून महिलेने पोलिसांत तक्रार केली होती.
सासूला संपवण्यासाठी स्लो पॉईजनचं औषध सांगा! महिलेचा मेसेज वाचून डॉक्टर उडालाच अन् मग…
यावर न्यायालयाने म्हटले की, कोणतीही विवाहित महिला किंवा तिचा पती असे व्हॉट्सअॅप मेसेजेस आणि अश्लील फोटो खपवून घेणार नाही, विशेषतः जेव्हा पाठवणारा आणि तक्रारदार एकमेकांना ओळखत नसतात. ‘अशातच आरोपींनेही महिलेशी कोणतेही संबंध असल्याचा काही पुरावा सादर केलेला नाही,’ असेही न्यायालयाने नमूद केले.

न्यायाधीशांनी याप्रकरणी निर्णय सुनावताना म्हटले की, अश्लील संदेश आणि कृत्य हे महिलेच्या विनम्रतेचा अपमान करणारे आहे. यापूर्वी, आरोपीला २०२२ मध्ये दंडाधिकारी न्यायालयाने दोषी ठरवले होते आणि तीन महिन्यांच्या तुरुंगवासाची शिक्षा सुनावली होती. नंतर त्यांनी या निर्णयाला सत्र न्यायालयात आव्हान दिले. इतर कारणांसह, आरोपीने असा दावा केला की, राजकीय शत्रुत्वामुळे त्याला या प्रकरणात गोवण्यात आले आहे.

दुसरीकडे न्यायालयाने आरोपीच्या दाव्याच्या समर्थनार्थ कोणताही पुरावा नसल्याचे नमुद केले आणि त्याची याचिका फेटाळली. कोणत्याही व्यक्तीला खोट्या प्रकरणात अडकवण्यासाठी कोणतीही महिला आपली प्रतिष्ठा पणाला लावणार नाही, असेही न्यायालयाने अधोरेखित केले. तर अनोळखी महिलेला तू सडपातळ आहे, खूप हुशार आहेस, दिसायलाही गोरी आहेस, मला तू आवडतेस, असे मेसेज करणे म्हणजे विनयभंगच आहे, असे न्यायालयाने सुनावले.