गुरुवार २० फेब्रुवारी रोजी मुरुड येथे झालेली आढावा बैठक प्रोटोकॉल मोडून आयोजित केल्याचा ठपका ठेवण्यात आला आहे. शिंदेसेनेचे रायगड जिल्हाप्रमुख राजन केणी यांनी मुरुड तालुका प्रमुख ऋषिकांत डोंगरीकर यांच्या पदाला स्थगिती देऊन आपली नाराजी स्पष्ट केली आहे.

मुरुडमध्ये शिवसेनेच्या वतीने शिवसैनिकांशी संवाद, आभार आणि आढावा बैठकीचे गुरुवारी आयोजन करण्यात आले. प्रोटोकॉलप्रमाणे जिल्हा प्रमुख आणि महिला संपर्क प्रमुख यांना निमंत्रित करणे आवश्यक होते. पण या बैठकीमध्ये राजा केणी यांच्यासह इतर प्रमुख पदाधिकाऱ्यांना डावलण्यात आल्याचा ठपका जिल्हा प्रमुख राजा केणी यांनी डोंगरीकर यांच्यावर ठेवत त्यांच्या मुरुड तालुका प्रमुख पदाला स्थगिती दिली आहे, अशी माहिती त्यांनी प्रसिद्धी माध्यमांना दिली.
Uddhav Thackeray : राऊत-नार्वेकरांनी ‘मातोश्री’ ताब्यात घेतली, ठाकरेंच्या नेत्याचा चॅनेलवरुन आरोप, उद्धव यांची धडक कारवाई
राजा केणी हे एक निष्ठावंत शिवसैनिक म्हणून ओळखले जातात. लोकसभा, विधानसभा निवडणुकीत महायुतीचा धर्म पाळताना त्यांनी निवडणूक प्रचारात बजावलेली भूमिका लक्ष वेधून घेणारी ठरली होती. दोन्ही निवडणुकीत त्यांनी आपल्या कुर्डूस जिल्हा परिषद मतदार संघातून मताधिक्य मिळवून दिले. आमदार महेंद्र दळवी यांचे कट्टर समर्थक म्हणून त्यांची ओळख आहे.

राजा केणी यांनी विधानसभा निवडूक प्रचारात अपक्ष उमेदवार दिलीप भोईर विरोधालाही ते सामोरे गेले. पण काही दिवसांपूर्वी क्रिकेट स्पर्धेच्या माध्यमातून आमदार महेंद्र दळवी आणि दिलीप भोईर यांच्यामधील जवळीक पाहून राजा केणी यांनी आपली नाराजीही उघडपणे व्यक्त केली होती.
Shiv Sena vs BJP : शिंदेंच्या बालेकिल्ल्यात भाजपची कुरघोडी, आधी नाईकांचा ‘जनता दरबार’, आता दोन एक्क्यांनी ठाण्यात ‘ठाण’ मांडले
आता या सगळ्या अंतर्गत वाद समोर आल्यावर आमदार महेंद्र दळवी कोणती भूमिका घेतात व या वादावर कसा पडदा पाडतात किंवा कसे हे पाहणे सगळ्यात महत्त्वाचे ठरणार आहे