हिमांशू पांचाळ या २६ वर्षीय भामट्याने शिताफीने हायप्रोफाईल तरुणींना आपल्या जाळ्यात ओढले. shadi.com या मॅट्रिमोनिअल साईटच्या माध्यमातून त्याने तरुणींशी ओळख करुन घेतली. तो अहमदाबाद मधील जनकपूर येथील रहिवासी आहे. त्याने मॅट्रिमोनिअल साईटवर बनावट प्रोफाईल तयार केले होते. ज्यामध्ये त्याने आपण दिल्ली क्राइम ब्रांचचा सायबर सिक्युरिटी ऑफिसर असल्याचे असल्याचे नमूद केले.

त्याने अनेक तरुणींशी संवाद वाढवला आणि आपण खानदानी श्रीमंत असल्याचे त्याने भासवले. यासोबतच आपल्याला मोठा पगार आणि संपत्ती देखील असल्याचे त्याने प्रोफाईल मध्ये नमूद केले होते. संवाद साधण्यात पटाईत असणाऱ्या हिमांशूने मॅट्रिमोनियल साईटच्या माध्यमातून अनेक तरुणींशी संपर्क साधला आणि विविध प्रकारे खोट्या गोष्टी रचून त्यांना फूस लावली. तर भूलथापा देऊन तरुणींना वसई आणि मुंबई भागातील हॉटेल किंवा लॉजमध्ये तो बोलवायचा. तर इंग्लीश भाषेने त्याने मुलींवर इम्प्रेशन देखील जमवले. तसेच त्याच्याकडे महागडे मोबाईल होते आणि लॅपटॉप देखील होता. हे सर्व पाहून सुशिक्षित तरुणी देखील त्यांच्या जाळ्यात अडकल्या.

यासोबतच त्याने या बाराही तरुणींना लग्न करण्याचे आमिष दाखवायचे. पहिल्याच भेटीत त्याने तरुणींना नकली हिऱ्यांचे आणि इतर दागिने भेट देत फूस लावली. त्यानंतर त्या तरुणींना तो शरिरसंबंध ठेवण्यासाठी भाग पाडले. त्याचे हे सर्व कारनामे तपासातून उघड झाले आहेत. त्यानंतर वेगवेगळी कारण सांगून त्याने तरुणींकडून पैसे देखील उकळले. या महाठगाने आतापर्यंत १२ पेक्षा जास्त तरुणींची फसवणूक केली असल्याचे उघड झाले आहे. शिवाय त्यांच्यावर बलात्कार करून त्यांची आर्थिक फसवणूक ही केली आहे. मिरारोड येथील एका तरुणीला ही त्याने अशाच पद्धतीने जाळ्यात ओढले होते. तिच्याबरोबर त्याने शरिरसंबध ही ठेवले. पण नंतर फसवणूक झाल्याचे तरुणीला लक्षात आले.

यातील एका तरुणीने त्रासाला कंटाळून पोलिसांत तक्रार दाखल केली. वालीव पोलिसांनी या प्रकरणाचे गांभीर्य ओळखून,अहमदाबाद गाठत आरोपी हिमांशू पांचाळला बेड्या ठोकल्या आहेत.