शेगावमध्ये श्रींच्या दर्शनासाठी येणाऱ्या भक्तांची गैरसोय टाळण्यासाठी श्री गजानन महाराज संस्थानच्या वतीने १९ आणि २० फेब्रुवारी असे दोन दिवस गजानन महाराज मंदिर भाविक, भक्तांच्या दर्शनासाठी रात्रभर खुले ठेवले जाणार आहे, अशी माहिती संस्थानच्या वतीने देण्यात आली आहे.
मुंबईकरांच्या खिशाला कात्री! BEST ने प्रवास करणाऱ्यांसाठी मोठी बातमी; दुप्पट भाडं द्यायची ठेवा तयारी
२० फेब्रुवारी रोजी श्री संत गजानन महाराज प्रगटदिन असल्याने या दिवशी सकाळी १० ते १२ हभप भरत बुवा पाटील म्हैसवाडी यांचे शेगावी श्रींच्या प्रगटदिना निमित्त किर्तन होईल. २० फेब्रुवारी रोजी सकाळी १० वाजता श्री महारूद्र स्वाहाकार यागाची पुर्णाहूती, अवभृतस्नान होईल. दुपारी ४ वाजता उत्सवाची पालखी अश्व, रथ, मेणासह परिक्रमासाठी निघेल. २१ फेब्रुवारी रोजी सकाळी ७ ते ८ हभप श्रीराम बुवा ठाकरे लातूर यांचे काल्याचे किर्तन होईल आणि या प्रगटदिन उत्सावाची सांगता होणार आहे.
तुळजाभवानी मंदिराच्या जतन-संवर्धनासाठी महत्त्वाचा निर्णय,लवकरच मंदिराला मिळणार गतवैभव
श्री प्रगटदिन उत्सावात सहभागी होण्यासाठी महाराष्ट्र, मध्यप्रदेश या ठिकाणाहून भजनी दिंड्या दाखल होत आहे. शेकडो दिंड्यांच्या आगमनाने शहरात भक्तिमय वातावरण निर्माण झालं आहे. तसंच श्री संस्थानकडून भक्तांच्या सोयीसाठी, श्रींच्या दर्शनसाठी एकेरी मार्ग करण्यात आला आहे. त्यात दर्शनबारी आणि श्रीमुख दर्शनबारी, महाप्रसाद, पारायण मंडप, श्रींची गादी आणि पलंग तसंच औदुंबर दर्शनाची व्यवस्था केली आहे. तसंच भक्तांच्या सोयीसाठी संस्थानच्या भक्त निवासामध्ये नियमानुसार अल्पदरात राहण्याची व्यवस्था नित्याप्रमाणे सुरू आहे.

संपूर्ण मंदिर परिसरात स्वच्छता ही भक्तांना श्रींच्या प्रति आपली आस्था प्रसन्न मनाने एकरूप करणारी आहे. भक्तांना कोणताही त्रास होऊ नये, यासाठी श्रींचे सेवेकरी आपली सेवा देण्यास तत्पर आहेत. या उत्सव काळात सर्वतोपरी सोयीसुविधा संस्थानच्यावतीने पुरवल्या जात आहेत.