धनंजय मुंडे यांची भेट घेण्यासाठी सुरेश धस गेल्यानंतर त्यांच्यावर जोरदार टीका केली जात आहे. बावनकुळे यांनी अगोदरच म्हटले होते की, धनंजय मुंडे आणि सुरेश धस यांच्यात मतभेद आहेत मनभेद नाही. काही दिवसांपूर्वीच सुरेश धस हे अजित पवारांची भेट घेण्यासाठी पोहोचले होते. मात्र, अजित पवारांशी सुरेश धस यांची भेट होऊ शकली नाही आणि त्यांना भेट न घेताच बीडला परतावे लागले.
बबन गीते विरोधात होणार मोठी कारवाई, पोलिस अ‍ॅक्शन मोडवर, संपत्ती जप्त करण्याच्या हालचालींना वेगआता धनंजय मुंडे यांच्या विरोधात परत एकदा आक्रमक भूमिका घेताना सुरेश धस हे दिसत आहेत. धस यांनी कृषी विभागीय सचिव विकासचंद रस्तोगींना पत्र दिले आहे. त्या पत्राच्या माध्यमातून सुरेश धस यांनी तत्कालीन कृषीमंत्र्यांनी घेतलेल्या निर्णयाची माहिती द्या, असे म्हटले आहे. तत्कालीन कृषीमंत्र्यांनी आणि अधिकाऱ्यांनी कोट्यावधींच्या भ्रष्टाचार केल्याचा आरोप सुरेश धस यांनी केला आहे.

यासोबतच सुरेश धस यांनी 2023 ते 2025 पर्यंतच्या पत्रव्यवहाराची माहिती देखील मागवली आहे. कापूस, सोयाबीन, तेलबियांची उत्पादकता वाढवण्यासाठी केलेल्या पत्रव्यवहाराची माहिती देखील सुरेश धस यांनी मागितली आहे. खरेदीच्या प्रक्रियेत मोठा भ्रष्टाचार झाल्याच्या वेगवेगळ्या तक्रारी असल्याचे सुरेश धसांचे म्हणणे आहे. परत एकदा धनंजय मुंडे यांच्या विरोधात आक्रमक होताना सुरेश धस दिसत आहेत. सोमनाथ सूर्यवंशी यांच्या कुटुंबियांना काही दिवसांपूर्वीच पोलिसांना माफ करा, म्हणताना सुरेश धस दिसले, ज्यानंतर त्यांच्यावर जोरदार टीका करण्यात आली.