Drunk Girl Argument With Nashik Police: नाशकात एका मद्यधुंद अवस्थेत असलेल्या तरुणीने पोलिसांशी वाद घातल्याचं प्रकरण समोर आलं आहे. याचा व्हिडिओही सोशल मीडियावर व्हायरल झाला आहे.
मद्यधुंद अवस्थेत असलेल्या तरुणीचा रस्त्यावर धिंगाणा
मद्यधुंद अवस्थेत असलेल्या या दोघांना पोलिसांनी अडवलं तेव्हा ती पोलिसांसोबत वाद घालू लागली. ती तरुणी व्हिडिओ काढणाऱ्या व्यक्तीला विचारते की, व्हिडिओ का काढत आहे? व्हिडिओ बंद कर, यावर ती व्यक्ती उत्तर देते की, तुझ्या बापाचा आहे का?, त्यानंतर तरुणी पुढे निघून जाते.
तरुणीची पोलिसांसोबत हुज्जत
यावेळी ही तरुणी पोलिसांशी अरेरावी करताना दिसत आहे. पोलिसांनी त्यांची गाडी अडवल्यानंतर ती म्हणाली की, गाडी का थांबवायची, तुम्ही आमच्या गाडीची चावी घेऊ शकत नाही, इथे महिला पोलिस नाहीत, असं सर्व बोलू लागली. “क्यू बंद कर? एक सेकंड, क्या हुआ? गाडी की चाबी नहीं ले सकते आप. हमारी गाडी है. लेडीज पुलिस हैं नहीं इधर, रुको. क्या हुआ? “, असे प्रश्न ती पोलिसांना करु लागली. व्हिडिओवरुन स्पष्ट दिसून येते ही तरुणी दारु प्यायलेली होती. यादरम्यान तिचा प्रियकर तिला शांत करताना दिसत आहे.
पाहा तो व्हिडिओ –
पोलिसांकडून गाडीची चावी घेण्याचा प्रयत्न
व्हिडिओमध्ये, एक पोलिस दुचाकीची चावी काढण्याचा प्रयत्न करताना दिसत आहे. कॅमेऱ्यात चित्रीकरण करताना दुसऱ्याने मुलीला आणि तिच्या प्रियकराला त्यांची नावे विचारली. तेव्हा या तरुणीने आपलं नाव भूमी असं सांगितलं. सध्या पोलिसांनी यांच्यावर काही कारवाई केली की नाही याबाबत सध्या काहीही माहिती नाही. पण, सोशल मीडियावर हा व्हिडिओ तुपान व्हायरल होतो आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा