बीडमधील व्यापारी महादेव मुंडे खून प्रकरणी ज्ञानेश्वरी मुंडे कुटुंबासोबत पोलीस अधीक्षकांच्या भेटीसाठी रवाना झाल्या आहेत. पंधरा महिन्यांपूर्वी परळीतील महादेव मुंडे यांची निर्गुण हत्या करण्यात आली होती. मात्र या घटनेला दीड वर्ष उलटून गेली असून अजूनही आरोपी मोकाट फिरत आहेत. आरोपींना तात्काळ ताब्यात घ्या व आमच्या कुटुंबाला न्याय द्या या मागणीसाठी महादेव मुंडे यांच्या पत्नी ज्ञानेश्वरी मुंडे आपल्या मुलासोबत पोलीस अधीक्षक यांची भेट घेणार आहेत. मी माझ्या मागणीवर ठाम असून काही दिवसांचा वेळ पोलीस अधीक्षक यांना देणार आहे त्यानंतर मी माझ्या कुटुंबासोबत पोलीस अधीक्षक कार्यालयासमोर आमरण उपोषण करणार असा इशाराही यावेळी ज्ञानेश्वरी मुंडे यांनी दिलाय.
