शिवाजीनगरमध्ये पोलिसाच्या लेकाने संपवलं आयुष्य

शनिवारी दुपारी दीडच्या सुमारास ऋषिकेश दादा कोकणे याने राहत्या घरी पंख्याला गळफास घेतला. शेजाऱ्यांनी दरवाजा ठोठावला, मात्र प्रतिसाद न मिळाल्याने त्यांनी दरवाजा तोडला. आत गेल्यावर ऋषिकेश लटकलेल्या अवस्थेत आढळला. त्याला तातडीने रुग्णालयात नेण्यात आले, मात्र सायंकाळी ३.३० वाजता रुग्णालयात त्याला मृत घोषित करण्यात आले.
२ कोटींच्या कार, लग्झरी आयुष्य, अमाप संपत्तीचे वारस… सुखसोयींचा त्याग करत मुंबईत चौघांचा संन्यास, कारण काय?

प्रेमभंगातून आत्महत्या केल्याचा प्राथमिक अंदाज

प्राथमिक चौकशीत प्रेमभंगातून आत्महत्या केल्याचे समोर आले असून, पोलीस पुढील तपास करत आहेत. या घटनेने कुटुंबावर दु:खाचा डोंगर कोसळला आहे. तर ऋषिकेश दादा कोकणे याच्या जाण्याने परिसरात हळहळ व्यक्त होत आहे.
पप्पांनी मम्मीला लटकवलं, ती बोलत नाही… चार वर्षाच्या चिमुकलीचा आजीला व्हिडिओ कॉल, समोरील दृश्य पाहून सर्व हादरले

पोलीस दलात शोककळा

दरम्यान, शुक्रवारी पोलीस उपनिरीक्षक अण्णा गुंजाळ यांनी झाडाला फास घेत आत्महत्या केली होती. अण्णा गुंजाळ हे पुण्यातील खडकी पोलीस ठाण्यात उपनिरीक्षक पदावर कार्यरत होते. गेल्या काही दिवसांपासून ते ड्युटीवर हजर नव्हते आणि त्यांनी कोणाशीही संपर्क साधला नव्हता. अखेर, शुक्रवारी त्यांनी लोणावळ्यातील टायगर पॉइंटवर आत्महत्या केल्याची घटना उघडकीस आली. या घटनेने संपूर्ण पोलीस दलात शोककळा पसरली आहे. प्राथमिक माहितीनुसार, घरगुती कारणावरून त्यांनी हे पाऊल उचलले असल्याचे समोर आले आहे.

याआधी नागपुरातही कॉन्स्टेबलने विष पिऊन आयुष्य संपवलं होतं. २९ जानेवारी रोजी त्यांनी टोकाचं पाऊल उचललं. त्यांना तीन महिन्यांसाठी बडतर्फ करण्यात आलं होतं. पण ते पुन्हा ड्यूटीवर हजर झाले होते. मात्र ते तणावात होते. याच तणावातून त्यांनी हे टोकाचं पाऊल उचलल्याची शक्यता व्यक्त होत आहे.