पोलिसांनी दिलेल्या माहितीनुसार, सीबीडी बेलापूरच्या सेक्टर ८ येथील आर्टिस्ट व्हिलेजजवळच्या रस्त्यावर हा अपघात झाला आहे. त्याठिकाणी नवी मुंबई महानगरपालिकेद्वारे रस्त्याच्या देखभाल दुरुस्तीचे काम सुरु होते. यादरम्यान दुरुस्ती साहित्य घेऊन एक डंपरने सायकलला धडक दिल्याने हा दुर्दैवी अपघात घडला आहे. लहान मुलगा सायकलवरुन त्याच्या क्लासला निघाला होता. तेवढ्यात डंपरने मुलाच्या सायकलला धडक दिली. ही धडक इतकी जोरदार होती की, यात १२ वर्षीय मुलाचा जागीच मृत्यू झाला. मृत मुलाचे नाव शिवम भट असल्याची माहिती आहे.
धुळे हादरलं! दारुड्या बापाला संताप अनावर, पोटच्या चिमुकल्यांना नदीत फेकलं; कारण काय?
अपघात घडताच घटनास्थळी मोठी गर्दी जमली होती. बेलापूर पोलीसांनी देखील तात्काळ घटनास्थळी गाठले. घटनास्थळी मृत मुलाच्या पालकांना बोलवण्यात आले. आपल्या पोटच्या गोळ्याला अशा निपचित पडलेले पाहून त्या आईने टाहो फोडला. या घटनेमुळे परिसरात हळहळ व्यक्त केली जात आहे. दरम्यान बेलापूर पोलीस या अपघाताचा अधिक तपास करत आहेत.