अनिल अंबानी यांच्यासोबत काही अधिकारीदेखील देवेंद्र फडणवीस यांच्या भेटीला गेले आहेत. देवेंद्र फडणवीस यांनी मुख्यमंत्रीपदाची जबाबदारी घेऊन आता दोन महिने होत आली आहेत. असं असलं तरी त्यांनी मुख्यमंत्रीपदाची शपथ घेतल्यानंतर अनिल अंबानी आणि फडणवीस यांची ही पहिली भेट आहे. या भेटीमागील नेमकं कारण गुलदस्त्यात आहे. पण आगामी काळात राज्याचा अर्थसंकल्प सादर होणार आहे. त्यामुळे या भेटीत अर्थसंकल्बाबत चर्चा होऊ शकते. तसेच देवेंद्र फडणवीस नुकतंच दाओस दौऱ्याहून आले आहेत. या दौऱ्याबाबतही या भेटीत चर्चा होण्याची शक्यता आहे.
संतोष देशमुख हत्या प्रकरणात ईडीची एंट्री होणार? खासदार बजरंग सोनवणे यांचे संकेत काय?

नेमकं काय घडतंय?

मिळालेल्या माहितीनुसार, मुख्यमंत्री देवेंद्र फडणवीस यांच्या अध्यक्षतेखाली आज निती आयोगाची बैठक आयोजित करण्यात आली होती. या बैठकीत मुख्यमंत्री मार्गदर्शन करत होते. निती आयोगाच्या या बैठकीसाठी अनिल अंबानी दाखल झाल्याची माहिती आहे. या बैठकीत राज्यातील नवीन उद्योगांबाबत रुपरेषा, अनेक महत्त्वाचे प्रकल्प, रखडलेले प्रकल्प मार्गी कसे लावता येतील याबाबत चर्चा होत असल्याची माहिती आहे. याच बैठकीवेळी अनिल अंबानी तिथे दाखल झाले आहेत. दरम्यान, अनिल अंबानी आणि फडणवीस यांच्या भेटीचं अधिकृत कारण समजू शकलेलं नाही. या भेटीत काय चर्चा होते, ते पाहण महत्त्वाचं आहे.