केंद्रीय अर्थसंकल्पातून देशाचा कायापालट होण्यास मदत होणार असल्याचे मत व्यक्त करीत मुख्यमंत्री फडणवीस यांनी अर्थसंकल्पात मुंबईसह महाराष्ट्रासाठी करण्यात आलेल्या भरीव तरतुदीकडे लक्ष वेधले. ‘मुंबई महानगर प्रदेशात एकात्मिक आणि हरित प्रवासी सुविधेसाठी ७९२.३५ कोटी रुपये, मुंबई-अहमदाबाद हायस्पीड रेल्वे प्रकल्पासाठी ४००४.३१ कोटी, पुणे मेट्रोसाठी ६९९.१३ कोटी रुपयांची तरतूद करण्यात आली आहे. मुळा-मुठा नदी संवर्धनासाठी जायकांतर्गत २३० कोटींचा निधी मिळेल’, असे मुख्यमंत्र्यांनी सांगितले.
मुंबईकरांचं बजेट कोलमडणार! रिक्षा-टॅक्सीप्रवास आजपासून महाग, किती किमीसाठी किती दरवाढ? पाहा नवे रेट
उपमुख्यमंत्री एकनाथ शिंदे आणि अजित पवार यांनीही अर्थसंकल्पाचे स्वागत केले. ‘पंतप्रधान नरेंद्र मोदी यांनी पाहिलेले ‘विकसित भारता’चे स्वप्न प्रत्यक्षात येणार, याची खात्री देणारा हा अर्थसंकल्प आहे’, असे शिंदे म्हणाले. तर ‘देशाला आर्थिक महासत्ता बनवण्याच्या वाटेवर नेणारा हा अर्थसंकल्प आहे’, असे अजित पवार यांनी सांगितले. विविध वस्तू-सेवांवरील सात प्रकारचे शुल्क हटवण्याचा निर्णय घेण्यात आला आहे. देशात तयार होणारे कपडे, चामड्याच्या वस्तू, मत्स्योत्पादनांवरील शुल्क कमी झाल्याने महाराष्ट्राला फायदा होईल, असा विश्वासही अजित पवार यांनी व्यक्त केला.
डॉक्टर बनला हत्यारा! मेहुणीच्या प्रेमात बायकोला संपवलं, अ‍ॅसिडिटीच्या नावाखाली दिलेल्या झोपेच्या गोळ्या अन्…
प्रकल्पांना अर्थशक्ती
मुंबई मेट्रो : १२५५.०६ कोटी, एमयूटीपी : ५११.४८ कोटी
‘एमएमआर’ एकात्मिक-हरित प्रवासी सुविधा : ७९२.३५ कोटी
मुंबई-अहमदाबाद हायस्पीड रेल्वे: ४००४.३१ कोटी
इकॉनॉमिक क्लस्टरः १०९४.५८ कोटी
महाराष्ट्र अॅग्रीबिझनेस नेटवर्क: ५९६.५७ कोटी