बिलोली तालुक्यातील लोहगाव येथील प्राथमिक आरोग्य केंद्रात कुटुंबकल्याण शास्त्रक्रिया शिबिराचे आयोजन करण्यात आले होते. एकूण 22 महिला कुटुंबकल्याणच्या ऑपरेशनसाठी भरती झाल्या होत्या. परंतु यातील एका महिलेस ऑपरेशन नंतर डॉक्टर टाके मारायचेच विसरले. महिलेला टाके घातले नाही ही बाब रात्री उशिरा लक्षात आल्यानंतर नातेवाईकांनी डॉक्टरांना धारेवर धरले. त्यानंतर त्या महिलेला टाके मारण्यात आले. संबंधित डॉक्टरवर कारवाई करण्याचा प्रस्ताव वरिष्ठाकडे पाठवल्याचे तालुका आरोग्य अधिकाऱ्यांनी सांगितले.