Chief Ministers Relief Fund : मुख्यमंत्री सहाय्यता निधीतून मदत मिळण्यासाठी आजारांचे पुनर्विलोकन, अर्थसहाय्याची नव्याने निश्चिती, रुग्णालय संलग्नीकरण यासारखे निकष ठरवण्यासाठी समिती स्थापन करण्यात आली आहे.
Mahakumbh Mela Stampede : महाकुंभ मेळ्यात झालेली चेंगराचेंगरी म्हणजे प्रशासनाने केलेली हत्या, संजय राऊतांचा गंभीर आरोपमुख्यमंत्री सहाय्यता निधीच्या निकष समितीमध्ये ठरवण्यात येणार
मुख्यमंत्री सहाय्यता निधीमधून मदत मिळण्यासाझी सध्या अस्तित्वात असलेल्या २० आजारांपैकी इतर शासकीय योजनेत समाविष्ट असलेल्या आजारांचं पुनर्विलोकन करणं तसेच सहाय्यता मिळण्यासाठी नवीन आजार समाविष्ट करण्याबाबत शिफारस करणं, रस्ते अपघात वगळून इतर अपघात प्रकरणांमध्ये घ्यायच्या कागदपत्रांची निश्चिती करणं, मुख्यमंत्री सहाय्यता निधीमधून मदत मिळण्यासाठी आजारांना देण्यात येणाऱ्या अर्थसहाय्यांच्या रकमांचं पुनर्विलोकन (समीक्षण) करुन अनुज्ञेय रक्कम (मंजूर रक्कम) नव्याने निर्धारीत करण्याची शिफारस करणं, मुख्यमंत्री सहाय्यता निधीसाठी रुग्णालय संलग्नीकरणासाठी (Empaneled) रुग्णालयाच्या तपासणीचं महात्मा ज्योतिराव फुले जन आरोग्य योजना, केंद्र-राज्य सरकारच्या वैद्यकीय उपचाराबाबत असलेल्या इतर योजनांच्या धर्तीवर निकष ठरवण्याबाबत शिफारस करणं यासाठी ही समिती स्थापन करण्यात आल्याचं मुख्यमंत्री सहाय्यता निधी कक्षाचे प्रमुख नाईक यांनी सांगितलं.
मुंबईत पेट्रोल – डिझेलच्या वाहनांवर बंदी येणार? राज्य सरकारकडून मोठा निर्णय
मुख्यमंत्री सहाय्यता निधी कक्षाने वैद्यकीय उपचाराबाबत वेळोवेळी विविध विषयांच्या अनुषंगाने विचारणा केल्यास ही समिती त्या विषयांबाबत शिफारस सादर करेल.
या समितीमध्ये संचालक, वैद्यकीय शिक्षण आणि संशोधन संचालनालय (मुंबई) हे अध्यक्ष असतील. तसंच, आरोग्य संचालनालयचे (मुंबई) संचालक, आयुष संचालनालयचे (मुंबई) संचालक, सर जे.जे रुग्णालय समूहाचे अधिष्ठाता, लोकमान्य टिळक स्मारक रुग्णालयचे (सायन) अधिष्ठाता, मुख्यमंत्री यांचे सल्लागार डॉ. आनंद बंग, वैद्यकीय शिक्षण आणि संशोधन संचालनालयचे (मुंबई) माजी संचालक डॉ. प्रवीण शिनगारे, वैद्यकीय शिक्षण आणि संशोधन संचालनालय (मुंबई) यांचे माजी संचालक डॉ. तात्याराव लहाने, एशियन कॅन्सर इन्स्टिट्यूटचे संचालक डॉ. रमाकांत देशपांडे, डॉ. बाबासाहेब आंबेडकर वैद्यकीय प्रतिष्ठानचे (छत्रपती संभाजीनगर) सचिव डॉ. अश्विनीकुमार तुपकरी, के.ई.एम रुग्णालयचे (मुंबई) माजी अधिष्ठाता डॉ. अविनाश सुपे, टाटा मेमोरियल सेंटरचे (परळ, मुंबई) संचालक अकॅडमी डॉ. श्रीपाद बनावली यांचा समितीमध्ये समावेश आहे.
मुख्यमंत्री सहाय्यता निधीतून वैद्यकीय मदत मिळवणं होणार सोपं, फडणवीस सरकारचा मोठा निर्णय
त्याशिवाय कौशल्य धर्मादाय रुग्णालयचे (ठाणे) संचालक डॉ. संजय ओक, बॉम्बे हॉस्पिटल (मुंबई), नेफरोलॉजी विभागचे प्राध्यापक आणि विभाग प्रमुख डॉ. बिच्छू श्रीरंग, पी.डी. हिंदुजा रुग्णालयचे (मुंबई) चीफ ऑपरेटिंग ऑफिसर डॉ. जॉय चक्रवर्ती, नायर हॉस्पिटल (मुंबई) मधील हृदयविकार विभागाचे प्राध्यापक आणि विभागप्रमुख डॉ. अजय चौरसिया, बॉम्बे हॉस्पिटलच्या (मुंबई) कन्सल्टंट फिजिशियन अँड इंटेसिविस्ट डॉ. गौतम भन्साळी, नॅशनल कॅन्सर इन्स्टिट्यूटचे (नागपूर) वैद्यकीय संचालक डॉ. आनंद पाठक, दीनानाथ मंगेशकर रुग्णालय (पुणे) यांच्या हॉस्पिटल मॅनेजमेंट कमिटीचे सचिव डॉ. माधव भट हे सदस्य म्हणून कार्यरत राहतील. तसेच, मुख्यमंत्री कार्यालयातील मुख्यमंत्री सहायता निधी कक्षाचे कक्ष अधिकारी हे सदस्य सचिव म्हणून काम पाहतील.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा