पोटची मुलगी गेल्याने कुटुंबावर दु:खाचा डोंगर कोसळला आहे. इमारतीच्या तिसऱ्या आणि चौथ्या मजल्यावरील जिन्याच्या दर्शनी भागाला संरक्षक ग्रील लावले असते तर माझ्या मुलीचा जीव गेला नसता. मुलीच्या मृत्यूस कारणीभूत ठरलेल्या विकासकावर गुन्हा दाखल करावा, अशी मागणी करत मुलीच्या वडिलांनी केली आहे. तर याबद्दल मानपाडा पोलीस ठाण्यात तक्रार दाखल केली आहे.
आधी विद्यार्थीनीला अत्याचाराची धमकी, नंतर १०० रुपयांची सुपारी दिली अन् अल्पवयीन मुलाकडून संपवण्याचा प्रयत्न; पुणे हादरलं
छोटुलाल आपल्या पत्नी व दोन मुलीबरोबर नालासोपारा येथे राहतात. छोटूलाल हे सोमवारी सकाळी आपल्या सहा वर्षाच्या परीला घेऊन डोंबिवली जवळच्या दावडी गावात राहणाऱ्या भावजीकडे पूजेकरिता आले होते. घरी पूजा सुरु असताना परी सर्वांच्या नकळत इमारतीच्या चौथ्या मजल्यावरील गॅलरीत गेली आणि तिथेच खेळत होती. या गॅलरीला ग्रील नव्हते. खेळता खेळता परीचा तोल गेला आणि ती इमारतीवरून खाली कोसळली. जमिनीवर आदळल्याने परीचा जागीच मृत्यू झाला. परीच्या वडिलांनी तिला रूग्णालयात येथे नेले असता तेथील डॉक्टरांनी तपासून परीला मृत घोषित केले.

दर्शना फॉर्म इमारतीच्या चौथ्या मजल्यावरील स्टेअरकेसला अर्थात जिन्याच्या दर्शनी बाजूला संरक्षक ग्रील नसल्याने त्याच मोकळ्या जागेतून कोसळून पाहुणी म्हणून आलेल्या परीचा बळी गेला. या घटनेमुळे परिसरात शोककळा पसरली आहे.

एकीकडे पोलिसांनी घटनास्थळाचा पंचनामा करून परीचा मृतदेह उत्तरीय तपासणीसाठी केडीएमसीच्या शास्त्रीनगर हॉस्पिटलकडे पाठवून दिला. तर दुसरीकडे दुर्दैवी परीचे वडील छोटूलाल बिंद यांनी मानपाडा पोलिस ठाण्यात जाऊन इमारतीच्या बेजबाबदार विकासकावर गुन्हा दाखल करण्याची मागणी केली. याप्रकरणी वरिष्ठ पोलिस निरीक्षक विजय कादबाने अधिक तपास करत आहेत.