राज्यात मराठा आरक्षणाचा मुद्दा पुन्हा एकदा ऐरणीवर आला आहे. मनोज जरांगे पाटील हे अंतरवाली सराटी येथे आमरण उपोषणाला बसले आहेत. यानंतर राज्यातील मराठा बांधव देखील ऍक्शन मोडवर आले आहेत. सोलापुरातील मराठा बांधवानी मुख्यमंत्री देवेंद्र फडणवीसांना आवाहन केले आहे. एकनाथ शिंदेंनी आरक्षण दिलं नाही, पण फडणवीसांनी द्यावं असं मराठा बांधवांनी म्हटलं. आरक्षण दिलं तर आमच्या घरात फडणवीसांचे फोटो लावू अशा प्रतिक्रियाही त्यांनी दिल्या.