काय आहे प्रकरण?

भांडुप येथील ड्रीम्स मॉलच्या बेसमेंटमध्ये एका तरुणीचा मृतदेह आढळल्याने परिसरात एकच खळबळ उडाली आहे. मयत महिला साधारण ३५ ते ४० वर्ष वयाची असल्याचा प्राथमिक अंदाज आहे, मात्र अद्याप तिची ओळख पटलेली नाही.

पाण्यात मृतदेह तरंगताना सापडला

मंगळवारी सकाळी दहा वाजताच्या सुमारास भांडुप भागातील काही जणांना ड्रीम मॉलच्या बेसमेंटमधील साचलेल्या पाण्यात एक मृतदेह तरंगताना आढळला. त्यांनी तातडीने यासंदर्भात पोलिसांना माहिती दिली. तात्काळ भांडुप पोलीस घटनास्थळी दाखल झाले. त्यांनी पाहणी करुन संबंधित तरुणीचा मृतदेह बाहेर काढला.

मयत महिला नेमकी कोण आहे, तिचा कशाप्रकारे मृत्यू झाला, तिने आत्महत्या केली, तिच्यासोबत अपघात झाला की घातपात, हे अजूनही स्पष्ट झालेलं नाही.
Sarika Sonawane : गुरुमाऊली मोरेंवरील सर्व आरोप खोटे, दबावामुळे मी… महिला कृषी सहायक अधिकाऱ्याचा गौप्यस्फोट

आग लागल्यापासून ड्रीम मॉल बंदच

भांडुपमधील प्रसिद्ध ड्रीम मॉलला काही वर्षांपूर्वी भीषण आग लागली होती. या घटनेत मॉल जळून खाक झाल्यानंतर गेल्या अनेक वर्षांपासून तो बंद अवस्थेतच आहे. मात्र काही तरुण-तरुणी बंद मॉलच्या आत जाऊन गैरफायदा घेतात, तसेच काही समाजकंटकही आत बसलेले असतात, असं सांगत स्थानिकांकडून या भागात सुरक्षा वाढवण्याची मागणी केली जातात.

दरम्यान, ही महिला कोण आहे, तिच्यासोबत नेमकं काय घडलं, तिचा मृत्यू कधी झाला, याविषयी अधिक तपास पोलीस करत आहेत.
Beed News : मुलीचा HIV ने मृत्यू झाल्याचं खोटं पसरवलं, गावाने कुटुंबाला वाळीत टाकलं, बीडमध्ये धक्कादायक प्रकार

ट्रायडंटमध्येही महिला मृतावस्थेत

याआधी, सोमवारीच मुंबईतील मरीन ड्राईव्ह भागात असलेल्या सुप्रसिद्ध ट्रायडंट हॉटेलमध्ये महिलेचा मृतदेह आढळल्यामुळे खळबळ उडाली होती. ६० वर्षीय विनती मेहतानी २७ व्या मजल्यावरील रुममध्ये मृतावस्थेत आढळल्या होत्या. मेहतानी बराच काळ प्रतिसाद देत नसल्याने मास्टर की वापरुन दरवाजा उघडला असता, हा प्रकार समोर आला होता.