राजुरी गावातील पाच विद्यार्थी हे सकाळी व्यायाम करण्यासाठी बीड परळी रस्त्यावर आले असता बस क्रमांक MH 14BT 1473 या बसणे तिघांना उडवले यात 1)ओम सुग्रीव घोडके वय 19 वर्ष 2) विराट बाब्रुवान घोडके वय 18 वर्ष 3) सुबोध बाबासाहेब मोरे वय 19 वर्ष सर्व रा.घोडके राजुरी याना बसणे उडवल्याने ओम घोडके विराट घोडके जागीच ठार झाले तर सुबोध मोरे हा जखमी असल्याने त्याला उपचारासाठी शासकीय रुग्णालयात आणले असता उपचारादरम्यान याचा देखील मृत्यू झाल्याचे समजते. हा अपघात एवढा भीषण होता की रस्त्यावर रक्त, मांसाचा सडा पडला होता. बस काही अंतरावर जाऊन रस्त्याच्या बाजूला असलेल्या खड्ड्यात गेली. या अपघातामुळे घोडकाराजुरी गावावर शोककळा पसरली असून घोडका राजुरी गावातील नागरिकांची बीड शासकीय रुग्णालयात गर्दी झाली होती.

ग्रामीण भागात मोठ्या प्रमाणात तरूणांचा कल हा पोलीस आणि सैन्य भरतीकडे असतो. त्यामुळे महाविद्यालयापासूनच मुलं भरतीच्या सरावाची घरीच तयारी सुरू करतात. रनिंगसाठी रोडवरच ग्रुपने जातात आणि एकत्र व्यायामही करतात. मात्र बीडच्या तीन तरूणांचं खाकीचं स्वप्न अधुक राहिलं. या अपघातामध्ये तरूण मुलांचा जीव गेल्याने जिल्ह्यामध्ये शोककळा पसरली आहे.

दरम्यान, याआधी अनेकवेळा अशा घटना समोर आल्या आहेत. भरतीच्या सरावासाठी रस्त्यावरून धावत असताना अपघात झाल्याने अनेक युवकांना आपला जीव गमवावा लागला आहे. त्यामुळे तरूणांनी सराव करताना शक्यतो रस्त्यावर न धावता मैदानात धावण्याचा सराव केला पाहिजे. जेणेकरून रस्ते अपघातामध्ये कोणाची जीव जाणार नाही.