काय आहे नेमकं प्रकरण?

कोंडाईबारी घाटातील खोड्यादेव मंदिरासमोरील पुलाच्या खालील सुमारे ३० ते ४० फुट खोल दरीत जवळपास ३० ते ३५ वयाच्या अनोळखी पुरुषाचा मृतदेह आढळला. मृतदेहाच्या तोंडावर काळा रुमाल आणि दोन्ही हात – पाय दोरीने बांधलेल्या स्थितीत आढळले होते. ११ जानेवारी रोजी १२.३० वाजता मृतदेह आढळल्याची नोंद साक्री पोलीस ठाण्यात झाली.
आजोबांसोबत दुचाकीवरुन घरी येताना आक्रीत घडलं, पतंगाच्या मांजाने जीव घेतला; चिमुकल्याच्या जाण्याने हळहळ
त्यानंतर फॉरेन्सिक, फिंगर ब्युरो, स्थानिक गुन्हे शाखा, धुळे आणि साक्री पोलीस ठाण्याची पथकं घटनास्थळी पोहोचल्यावर भौगोलिक पुरावे मिळवून मिळवण्यात आले. मृत व्यक्तीची ओळख सईद शहा चिराग शहा फकीर अशी पटली. त्यानंतर पोलिसांच्या पथकाने विसरवाडी येथे मृताचे फोटो व्हॉट्सअॅपवर पाठवून मृताच्या नातेवाईकांनी साक्री येथे ग्रामीण रुग्णालयात येत ओळख पटवली.
Walmik Karad : वाल्मिक कराडवर मकोका दाखल झाल्यानंतर संतोष देशमुखांची लेक कडाडली, आाता त्या सर्वांना…
मृत व्यक्ती हा सईद शहा चिराग शहा फकीर (वय-२८ वर्ष) रा. संतोषी माता गल्ली, विसरवाडी (जि. नंदुरबार) हा असल्याचे निष्पन्न झालं. पोलिसांनी तपासाची सूत्रं वेगाने हलवली आणि आणि दोघांना ताब्यात घेतलं. मृतास दारु पिण्याची सवय होती आणि तो कुटुंबीयांना अश्लिल शिवीगाळ करत असे, ही बाब मृताचा पुतण्या अवेश सलीम शहा, वय-२४ वर्ष, व्यवसाय-दुचाकी मॅकेनिक, रा. इंदिरानगर (नवी दिल्ली कॉलनी), विसरवाडी जि. नंदुरबार याला खटकत होती. यामुळे सलीम शाह याने त्याचा मित्र सोहेल ऊर्फ बबलु मुबारक शहा (वय-२० वर्ष) व्यवसाय पंक्चर दुकान, रा. संतोषी माता गल्ली, विसरवाडी (जि. नंदुरबार) याच्या मदतीने सईद शहा चिराग शहा फकीर याची हत्या केल्याची कबुली दिली.
मोजणीत एक जण कमी अन् घटनेचा उलगडा; १४ फुटांच्या भींतीवर कैद्याला पाहून पोलीसही हादरले
७ जानेवारी रोजी दुपारी १२ च्या सुमारास सईद शहा चिराग शहा फकीर हा दारु पिऊन अवेश सलीम – शहा याच्या गॅरेजवर आला होता. रागाच्या भरात आरोपी अवेश शहा याने दुपारी दोन वाजता त्याच्या मारुती स्विफ्ट (क्र-हा-१५/-ऊ-१५३३) मध्ये सईद शहाला बसवलं आणि सोहेल याला सोबत घेऊन कोंडाईबारीकडे नेलं. रस्त्यात अवेश शहा व सोहेल शहा यांनी सईद शहा याच्या तोंडावर काळा हातरुमाल बांधला आणि त्याचं नाक तोंड बंद केलं. दोन्ही हात, पाय दोराचे बांधून जिवंत असतानाच त्याला कोंडाईबारी घाटातील खोड्यादेव मंदिरासमोरच्या पुलावरून सुमारे ३० ते ४० फुट खोल दरीत फेकलं आणि दोघेही विसरवाडी येथे घरी परतले.

दोन्ही आरोपींनी हत्येची कबुली पोलिसांना दिली. पोलिसांनी दोघांना ताब्यात घेऊन त्यांनी गुन्हयात वापरलेली कार जप्त केली आहे. याप्रकरणी पोलिसांकडून पुढील तपास सुरू आहे.