Buldhana Crime News : बुलढाण्यात पत्नीने पतीला जीवंत जाळल्याची धक्कादायक घटना समोर आली आहे. पतीने मृत्यूआधी दिलेल्या जबाबानंतर पत्नीला पोलिसांनी ताब्यात घेतलं आहे.
मध्यरात्री दोघांमध्ये वाद झाला आणि अनर्थ घडला
मेहकर तालुक्यातील पाचला येथील रणधीर आणि त्यांची पत्नी लता गवई (४१), रा. तार कॉलनी (बुलढाणा) हे विभक्त राहत होते. त्यांचा न्यायालयात वाद सुरू होता. १३ जानेवारीच्या रात्री रणधीर पत्नीकडे आले. रात्री दोन वाजता दोघांमध्ये वाद झाला. या वादातूनच लताने पतीच्या अंगावर पेट्रोल टाकून पेटवून दिले. आरडाओरड झाल्याने शेजारील नागरिकांनी आग विझविली.
तोंडावर काळा रुमाल, हात-पाय बांधले आणि खोल दरीत… पुतण्यानेच काकाला संपवलं, कारण हैराण करणारं
गंभीररित्या जळलेल्या पतीचा रुग्णालयात मृत्यू
घटनेची माहिती समजताच पोलिसांनी घटनास्थळी पोहोचून गंभीररित्या जखमी रणधीर यांना जिल्हा सामान्य रुग्णालयात भरती केले. नंतर बुलढाणा मल्टीस्पेशालिटी हॉस्पिटलमध्ये हलविले. उपचार सुरू असतानाच त्यांचा मृत्यू झाला. अनैतिक संबंधास अडसर ठरत असल्याने पत्नीने जिवंत पेटवून दिल्याची मृत्यूपूर्व जबानी पतीने दिल्यानंतर शहर पोलिसांनी आरोपी पत्नीविरुद्ध विविध कलमान्वये गुन्हे दाखल केले.
Walmik Karad : वाल्मिक कराडवर मकोका दाखल झाल्यानंतर संतोष देशमुखांची लेक कडाडली, आाता त्या सर्वांना…
अनैतिक संबंधाआड येणाऱ्या पतीस जिवंत पेटवले, उपचारादरम्यान मृत्यू; बुलढाण्यातील खळबळजनक घटना
पतीचा मृत्यूआधी जबाब, पत्नीवर गुन्हा दाखल
या घटनेने परिसरात खळबळ उडाली असून रणधीर हिंमत गवई यांच्या जाण्याने हळहळ व्यक्त होत आहे. मात्र त्यांनी निधनाआधी दिलेल्या जबाबामुळे पोलिसांनी पत्नीला ताब्यात घेतलं आहे. पत्नीचे अनैतिक असल्याने आपला अडसर येत असल्याने जिवंत पेटवल्याचा जबाब त्यांनी दिल्याने पत्नीविरोधात गुन्हा दाखल करण्यात आला आहे. बुलढाण्यातील ही अशाप्रकारची पहिलीच घटना नाही. याआधीही अनैतिक संबंधातून महाराष्ट्रासह देशभरात अनेक हत्याकांड झाल्याच्या घटना समोर आल्या आहेत. पती-पत्नीच्या वादातून एकमेकांना संपवल्याची अनेक प्रकरणं उघडकीस आली आहेत.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड.… आणखी वाचा