हे पोस्टर विश्वबंधू राय नावाच्या भाजप कार्यकर्त्याने लावले असल्याचे समजते. महाराष्ट्र विधानसभा निवडणुकीदरम्यान विश्वबंधू राय यांनी योगी आदित्यनाथ यांच्या ‘बंटेंगे तो कटेंगे’ या घोषणेबाबत अनेक पोस्टर्स लावली होती. महाराष्ट्रात देवेंद्र फडणवीस सरकारच्या नेतृत्वात पोलीस आणि केंद्रीय यंत्रणा बेकायदेशीर बांगलादेशी आणि रोहिंग्यांवर सातत्याने कारवाई करत आहेत. अशावेळी, योगी आदित्यनाथ यांचे छायाचित्र असलेले पोस्टर मुंबईत दिसून आले.

टोल फ्री क्रमांक जारी करण्याची मागणी

मुंबई भाजप सचिवांनी, मुंबई पोलीस आयुक्तांना लिहीलेल्या पत्रात, मुंबई पोलिसांनी बांगलादेशी लोकांविरोधात तक्रार करण्यासाठी टोल फ्री क्रमांक जारी करण्याची मागणी केली आहे. ज्यावर सामान्य नागरिक बेकायदेशीरपणे राहणाऱ्या बांगलादेशी आणि रोहिंग्या मुस्लिमांची माहिती देऊ शकतात. जेणेकरून पोलिसांना वेळीच कारवाई करता येईल. हे परदेशी नागरिक भारतीयांच्या अन्न, वीज, पाणी आणि सर्व सुविधांचा गैरवापर करून समाजात गुन्हेगारी वाढवत आहेत.

येथील दोन शहरात वेगवेगळ्या एसआयटींमार्फत तपास सुरू आहे. त्यांच्या कार्यक्षेत्रात अनेक सरकारी अधिकारी, नेते, राजकारणी आणि बनावट कागदपत्रे बनवणाऱ्या सिंडिकेटचा समावेश आहे. ते म्हणाले की, व्होट बँक वाढवण्यासाठी बांगलादेशी आणि रोहिंग्या मुस्लिमांचे जन्म प्रमाणपत्र आणि इतर कागदपत्रे बनवली जातात. जन्म दाखला बनवताच आधार कार्ड, पॅन कार्ड, अधिवास प्रमाणपत्र आणि ड्रायव्हिंग लायसन्स सहज बनते.

यानंतर मतदान कार्ड आणि बँक खाती उघडण्यात येतात. इतकेच नाही तर यातील अनेक बांगलादेशी नागरिकांचे भारतीय पासपोर्टही बनवल्याचे एसआयटीच्या तपासात समोर आले आहे. मोठी बाब म्हणजे नाशिकच्या मालेगावमध्ये ज्यांचे बनावट रहिवासी पुरावे बनवण्यात आले, त्यांचे पासपोर्ट गुजरातमधील सुरत पासपोर्ट कार्यालयातून बनवण्यात आले.