जागावाटपात बराच उशीर झाल्यानं विधानसभा निवडणुकीत महाविकास आघाडीचा पराभव झाल्याचं विधान काँग्रेसचे नेते विजय वडेट्टीवार यांनी केलं. जागावाटपात झालेल्या घोळाला काँग्रेस नेते नाना पटोले, शिवसेना उबाठाचे नेते संजय राऊत जबाबदार असल्याचा त्यांचा रोख होता. त्यावर भाष्य करताना राऊतांनी स्वबळाची घोषणा केली. आता काय व्हायचं ते होईल. पण आम्ही स्वबळावर लढू, असं राऊत यांनी जाहीर केलं.
पत्रकाराच्या कुटुंबाची निर्घृण हत्या; आई, वडील, भावावर कुऱ्हाडीनं वार, हत्याकांडानं खळबळ
‘मुंबईपासून नागपूरपर्यंत आम्ही स्वबळावर लढणार आहोत. एकदा आम्हाला स्वबळ आजमवायचं आहे. नागपूरलासुद्धा आम्ही स्बळावर लढवणार आहोत. उद्धव ठाकरेंनी मला तसे संकेत दिले आहेत. मुंबई, ठाणे, पुणे, नागपूर महापालिकेत आम्ही स्वबळावर लढू. लोकसभा, विधानसभा निवडणुकीत कार्यकर्त्यांना संधी मिळत नाही. त्याचा फटका पक्षाच्या वाढीला बसतो. महापालिका, जिल्हा परिषदा, ग्राम पंयाचयीच्या निवडणुका आम्ही स्वतंत्र लढणार आहोत आणि आपालले पक्ष मजबूत करणार आहोत,’ अशी घोषणा राऊत यांनी केली.

स्वबळाची घोषणा करताना राऊत यांनी काँग्रेसला लक्ष्य केलं. ‘वडेट्टीवार आता बोलत आहेत. तेदेखील जागावाटपाच्या बैठकांना असायचे. शिवसेना राज्यातील एक प्रमुख पक्ष आहे. आमच्यावर टीका होतेय. पण हरियाणात काँग्रेससोबत कोण होतं? तिकडे ते एकटेच होते. जागावाटपाचा घोळ नव्हता. मग तिकडे त्यांचा पराभव का झाला?,’ असा सवाल राऊत यांनी विचारला.
खोलीत एकटे असताना गोळी झाडल्याचा आवाज; आमदाराचा गूढ मृत्यू, पोलिसांच्या माहितीनं संशय वाढला
‘हरियाणात काँग्रेससोबत कोण होतं? आम्ही होतो का तिकडे? शिवसेना राज्यात आहे. पण काँग्रेसचा पराभव देशभरात का होतो? पश्चिम बंगाल, जम्मू काश्मीरमध्ये शिवसेना होती का? मग तिकडे काँग्रेसचा पराभव का झाला?’ अशी प्रश्नांची सरबत्ती करत संजय राऊतांनी काँग्रेसला लक्ष्य केलं.