बिश्नोई गँगनं सिद्दीकी यांच्या हत्येसाठी १७ लाख रुपयांची सुपारी दिली होती. सिद्दीकी यांचे बॉलिवूड अभिनेता सलमान खानशी जवळचे संबंध आहेत. बिश्नोई गँगचा सलमान खानवर अनेक वर्षांपासून राग आहे. त्यामुळे सलमानच्या जवळच्या व्यक्तीला मारण्याचा कट आखण्यात आला. सलमान खानच्या मनात दहशत बसवण्यासाठी सिद्दीकी यांची हत्या घडवण्यात आली, अशी माहिती आरोपपत्रात आहे.
धनंजय मुंडेंनी माझी जमीन हडपली, मामीचा गंभीर आरोप; सारंगी महाजन CMना भेटणार, अडचणी वाढणार?
‘सलमान खानची हत्या करण्याची योजना आखण्यात आलेली होती. पण त्याच्या भोवती कडक सुरक्षा व्यवस्था असल्यानं आरोपींचा डाव फिस्कटला. सिद्दीकी यांचे मारेकरी तब्बल दीड ते दोन महिन्यांपासून त्यांच्या घराची, कार्यालयाची रेकी करत होते. सिद्दीकी यांच्या हत्येचा कट खूप आधीच शिजला होता,’ असा तपशील आरोपपत्रात आहे.

‘बिश्नोई गँगनं सुपारी दिल्यानंतर आरोपी कुर्ल्यात एक खोली भाड्यानं राहायला आले. ते तिथून दररोज वांद्र्याला जाऊन सिद्दीकी यांच्या घराची, कार्यालय परिसराची रेकी करायचे. त्यावेळी त्यांच्याकडे एक सॅक असायची. त्यात पिस्तुल आणि जिवंत काडतुसं असायची. जवळपास दीड ते दोन महिने त्यांनी या प्रकारे रेकी केली,’ अशा धक्कादायक उलगडा तपासातून झालेला आहे.
शिंदेंची इमेज चमकवणारे आता बलाढ्य नेत्यासाठी काम करणार; मुख्यमंत्रिपद राहणार की जाणार?
‘सिद्दीकींवर गोळ्या झाडणाऱ्या आरोपींना गोळीबाराचा सराव करण्यासाठी जुलैमध्ये झारखंडमध्ये नेण्यात आलं होतं. तिकडे एका जंगलात नेऊन त्यांना एके-४७चं प्रशिक्षण देण्यात आलं. जंगलात नेताना त्यांच्या डोळ्यांवर काळी पट्टी बांधण्यात आली होती. पट्टी बांधून त्यांना जंगलात नेण्यात आलं. त्यासाठी दीड ते दोन तासांचा अवधी लागला. तिकडे त्यांच्या हातात एके-४७ देण्यात आली,’ असा उलगडा तपासातून झालेला आहे. पुण्यातील एका माजी पोलीस अधिकाऱ्याच्या मुलाला संपवण्याची योजनादेखील आखण्यात आली होती. मात्र त्याआधीच आरोपींना अटक झाल्यानं त्याचा जीव वाचला, अशी माहिती आरोपपत्रात आहे.