Pune Yerwda Accident: विमानतळ पोलिसांनी दिलेल्या माहितीनुसार, ‘रेश्मा गोवेकर यांचे पती सैन्यदलात नोकरीला होते. त्या धानोरी येथे राहणाऱ्या त्यांच्या मोठ्या मुलीकडे राहत होत्या. येरवडा विमानतळ रस्त्यावर हवाई दलाच्या आकाशनगर परिसरातील पॉलिक्लिनिकमध्ये त्या थेरपीसाठी जात होत्या. गुरुवारी सकाळी आशीर्वाद गोवेकर रेश्मा यांना दुचाकीवर घेऊन पॉलिक्लिनिकमध्ये गेले होते. पॉलिक्लिनिकमध्ये थेरपी झाल्यानंतर प्रवेशद्वारातून बाहेर पडताना, त्यांनी रस्त्यावर दुचाकी वळवली.
हायलाइट्स:
- भरधाव कारच्या धडकेत दोघांचा मृत्यू
- दीर-वहिनीच्या मृत्यूने कुटुंबावर शोककळा
- नववर्ष स्वागतासाठी आले होते पुण्यात
Nandkumar Ghodele : उद्धव ठाकरेंना विश्वासू सहकाऱ्याचा झटका, माजी महापौर शिवबंधन सोडणार, नवा पक्षही ठरलाविमानतळ पोलिसांनी दिलेल्या माहितीनुसार, ‘रेश्मा गोवेकर यांचे पती सैन्यदलात नोकरीला होते. त्या धानोरी येथे राहणाऱ्या त्यांच्या मोठ्या मुलीकडे राहत होत्या. येरवडा विमानतळ रस्त्यावर हवाई दलाच्या आकाशनगर परिसरातील पॉलिक्लिनिकमध्ये त्या थेरपीसाठी जात होत्या. गुरुवारी सकाळी आशीर्वाद गोवेकर रेश्मा यांना दुचाकीवर घेऊन पॉलिक्लिनिकमध्ये गेले होते. पॉलिक्लिनिकमध्ये थेरपी झाल्यानंतर प्रवेशद्वारातून बाहेर पडताना, त्यांनी रस्त्यावर दुचाकी वळवली. तेव्हा समोरून भरधाव येणाऱ्या कारने त्यांना उडवले. त्यात आशीर्वाद यांच्या डोक्याला मार लागून ते जागीच ठार झाले आणि मागे बसलेल्या रेश्मा गंभीर जखमी झाल्या.
हवाई दलाच्या रुग्णवाहिकेतून जखमी रेश्मा गोवेकर यांना तातडीने कमांड हॉस्पिटलमध्ये नेण्यात आले. त्यांच्यावर उपचार सुरू असताना दुपारी त्यांचा मृत्यू झाला. दरम्यान, अपघातानंतर कारचालकाने येरवडा पोलिस ठाण्यात हजर होऊन घटनेची माहिती दिली. रेश्मा गोवेकर यांच्या पश्चात दोन विवाहित मुली आहेत. आशीर्वाद हे गोव्यात सराफी दुकानात काम करीत होते, अशी माहिती नातेवाईकांनी दिली.
नववर्ष स्वागतासाठी आले होते पुण्यात
रेश्मा यांचे दीर आशीर्वाद गोवेकर मूळचे गोव्यातील रहिवासी. कुटुंबीयांसोबत नववर्षाचे स्वागत करता यावे, यासाठी ते चार दिवसांपूर्वीच गोव्यातून पुण्यात आले होते. त्यादरम्यान वहिनीला दवाखान्यात घेऊन जाताना झालेल्या अपघातात त्यांना प्राण गमवावा लागला.