जळगावमधील पाळधी गावात शिंपी कुटुंबियांचं ‘पूजा शू’ हे दुकान आहे. मात्र ३१ डिसेंबर रोजी झालेल्या राड्यात त्यांचं दुकानही जळून खाक झालं. दुकान आगीत खाक झालं पण राख मात्र शिंपी कुटुंबियाच्या स्वप्नांची झाली आहे. महेश शिंपी आणि राधेश्याम शिंपी हे दोन भाऊ ‘पूजा शू’ हे दुकान चालवतात. याच व्यवसायावर त्यांच्या कुटुंबाचा उदरनिर्वाह चालतो. घरात वृद्ध आई आहे, कुटुंबाची सारी भिस्त याच दुकानावर होती. महेश शिंपी यांच्या मुलीचं उद्या लग्न आहे. त्यासाठी सर्व कुटुंब नाशिकला जाणार होतं आणि त्यातच ही बातमी येऊन धडकली.