काय आहे प्रकरण?

धक्कादायक म्हणजे अंबरनाथ शहरातील शिवसेनेच्याच दोघा जणांना चौकशीसाठी समन्स बजावलेलां आहे. मात्र या प्रकरणात अद्याप कोणताही गुन्हा दाखल झालेला नाही. अंबरनाथ विधानसभा मतदारसंघातून डॉ. बालाजी किणीकर हे चौथ्यांदा आमदारपदी निवडून आले आहेत. अंबरनाथ शहरात शिवसेनेत दोन गट असून याच गटबाजीतून त्यांच्या हत्येचा कट रचण्यात आल्याची सूत्रांची माहिती आहे.
Niranjan Ghate : फडणवीस साहेब, दिल्लीत वजन वापरा, मला इच्छामरणा द्या; ज्येष्ठ मराठी साहित्यिकाची हात जोडून विनवणी

लग्न सोहळ्यात हत्येचा कट

बालाजी किणीकर हे एका कौटुंबिक लग्न सोहळ्यासाठी लातूरला गेले आहेत. याच लग्न सोहळ्यात २६ डिसेंबर रोजी त्यांची हत्या करण्यासाठी काही शूटर्सना सुपारी देण्यात आल्याची माहिती स्वतः आमदार किणीकर यांना मिळाली होती. त्यानुसार त्यांनी थेट ठाणे पोलीस आयुक्तांकडे तक्रार केली.
Deepak Kesarkar : उदय सामंत एवढे हुशार, कुणी काही बोलूच शकत नाही, त्यांना जगभराची माहिती असते : दीपक केसरकर

अंबरनाथमधून दोघे जण ताब्यात

या तक्रारीची गंभीर दखल घेत ठाणे गुन्हे शाखेने अंबरनाथमधून २ जणांना ताब्यात घेतल्याची माहिती आहे. त्यांच्या चौकशीनंतर शहरातील शिवसेनेच्या २ जणांना पोलिसांनी चौकशीसाठी समन्स बजावलं आहे. मात्र याबाबत अद्याप आमदार डॉ. बालाजी किणीकर आणि पोलीस या दोघांनीही अधिकृतपणे काहीही बोलण्यास नकार दिला आहे. तर या प्रकरणात अद्याप कोणताही गुन्हा सुद्धा दाखल झालेला नाही.