लातूरमधील उदगीर जिल्ह्याची नव्याने निर्मिती होणार असा मेसेज सध्या तुफान व्हायरल होतोय. येत्या २६ जानेवारीला उदगीर जिल्हा निर्मितीची घोषणा होणार असेही मेसेजमध्ये सांगण्यात आले. यात नांदेड जिल्ह्यातील काही गावांचा देखील समावेश होणार आहे असेही या मेसेजमध्ये आहे. मात्र हा मेसेज साफ खोटा असल्याचे स्पष्टीकरण ताप पाटील चिखलीकर यांनी दिले आहे. मंत्रालय स्तरावर किंवा प्रशासकीय स्तरावर कुठल्याही हालचाली सुरु नसल्याचे त्यांनी सांगितले.