Ambadas Danve: दावोसमध्ये केलेल्या करारांबाबत कौतुकाने सांगितले जाते. मात्र, त्यातील नेमक्या किती करारांची अंमलबजावणी झाली? असा सवाल विधानपरिषदेतील विरोधीपक्ष नेते अंबादास दानवे यांनी मुख्यमंत्री देवेंद्र फडणवीस यांना केला आहे.
देशात उद्योगांच्याबाबतीत महाराष्ट्र तेराव्या क्रमांकावर घसरला आहे. उद्यम योजनेत छोटे आणि लघु उद्योगांची महाराष्ट्रात पावणे दहा लाख उद्योगांची नोंदणी होताना मराठवाडयात केवळ सव्वा लाख आणि विदर्भात १ लाख ३९ हजार उद्योगांची नोंदणी होते, हे सरकारचे अपयश आहे. दावोसमध्ये केलेल्या करारांबाबत कौतुकाने सांगितले जाते. मात्र, त्यातील नेमक्या किती करारांची अंमलबजावणी झाली? असा सवाल विधानपरिषदेतील विरोधीपक्ष नेते अंबादास दानवे यांनी मुख्यमंत्री देवेंद्र फडणवीस यांना केला आहे.
नाराज भुजबळ मुंबईत; पक्षाने अद्याप दखल न घेतल्याने समर्थकांमध्ये अस्वस्थता; निर्णयाकडे नजरा
दानवे यांनी शुक्रवारी परिषदेत अंतिम आठवडा प्रस्ताव मांडताना राज्यभरातील विविध समस्यांवर प्रकाश टाकला. त्यांनी राज्यातील शिक्षण, आरोग्य, उद्योग विभागाच्या कारभारावर टीका केली. तसेच राज्याच्या कायदा सुव्यवस्थेवरही टीका केली. ते म्हणाले, ‘राष्ट्रीय गुन्हे नोंद विभागानुसार देशात गुन्ह्यांमध्ये उत्तर प्रदेश पहिल्या तर महाराष्ट्र दुसऱ्या क्रमांकावर आहे. २०१३ मध्ये ४५ हजार ४३४ महिला अत्याचाराच्या घटना नोंदविण्यात आल्या असून सायबर गुन्ह्यात राज्य चवथ्या क्रमांकावर आहे. शहरात राज्याचे अधिवेशन सुरू असताना मुख्यमंत्र्याच्या नागपुरात दोन टोळ्यांमध्ये गोळीबार घटना घडते यावरून राज्याच्या कायदा सुव्यवस्थेची अवस्था लक्षात येते.
Mumbai Boat Accident: काळाच्या दाढेने कुटुंबच हिरावले…; मुंबईतील बोट अपघातात पिंपळगाव बसवंतच्या तिघांचा मृत्यू
ड्रग्ज मोठे आव्हान
आजची तरुणाई ड्रग्जच्या विळख्यात अडकली आहे. राज्यातील मुंबईसारख्या मोठ्या शहरांमध्ये याचे कारखाने आहेत. मात्र, पोलिसच नाही तर अन्न व औषधी प्रशासनसुद्धा त्यावर नियंत्रण ठेवण्यात अपयशी ठरले आहे, अशी टीका दानवेंनी केली.
जळगावात वाळूमाफियांचा तलाठ्यावर जीवघेणा हल्ला; फावड्याने पायावर वार, घटनेने परिसरात खळबळ
वाढत्या गुन्ह्यांकडे वेधले लक्ष १२ ऑक्टोबर २०२४ ला राज्याचे माजी विधानसभा सदस्य बाबा सिद्दिकी यांच्यावर गोळ्या घालून हत्या करण्यात आली. त्यापूर्वी त्यांची रेकी केली होती. आज राज्यसभा सदस्य संजय राऊत यांच्या घराची रेकी झाली आहे, ही बाब दानवेंनी सभागृहाच्या निदर्शनास आणून दिली. तसेच सत्ताधारी आमदार योगेश टिळेकर यांच्या मामाचे अपहरण करून हत्या झाली. सत्ताधाऱ्यांचीच ही स्थिती असेल तर सर्वसामान्यांची तर कल्पनाही करवत नाही, असे मत त्यांनी व्यक्त केले.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा