Chhagan Bhujbal: देशभरात पुन्हा ओबीसी एल्गार पुकारण्याचा निर्धार व्यक्त करीत ओबीसी एकजुटीचा नारा देतानाच घाईघाईत प्रश्न सुटत नसल्याने देशभरातील ‘ओबीसीं’शी चर्चा करून विचारपूर्वक निर्णय घेईन, असेही भुजबळ यांनी स्पष्ट केले.
भुजबळांना मंत्रिमंडळातून डावलल्यानंतर नाशिकमध्ये बुधवारी राज्यभरातील भुजबळ समर्थकांचा मेळावा झाला. त्यात बहुतांश समर्थकांनी भुजबळांना राष्ट्रवादी सोडून भाजपमध्ये प्रवेश करण्याची, तर काहींनी ‘ओबीसीं’चा स्वतंत्र पक्ष स्थापन करण्याची गळ घातली. मात्र, भुजबळांनी संयमी भूमिका मांडताना देशभरातील ओबीसी समाजाशी चर्चा करून विचारपूर्वक निर्णय घेणार असल्याचे स्पष्ट करीत समर्थकांनाही सबुरीचा सल्ला दिला. देशभरात पुन्हा ओबीसी एल्गार पुकारण्याचा निर्धार व्यक्त करीत ओबीसी एकजुटीचा नारा देतानाच घाईघाईत प्रश्न सुटत नसल्याने देशभरातील ‘ओबीसीं’शी चर्चा करून विचारपूर्वक निर्णय घेईन, असेही भुजबळ यांनी स्पष्ट केले.
अनिल देशमुखांची नार्को चाचणी करा, मविआने सूडभावनेने मला गुन्ह्यात अडकवले, गिरीश महाजनांचा आरोप
मला मंत्रिपद न मिळाल्याने राज्यातीलच नव्हे, तर देशभरातील ओबीसी समाज पेटून उठला आहे. विरोध व्हायलाच हवा. त्यासाठी निदर्शने करा. लोकांमध्ये जागृती निर्माण करून आत्मसन्मानाचे निखारे प्रज्वलित ठेवा, असे सांगतानाच काळजी करू नका, आपला आवाज दबला जाणार नाही, असा सूचक इशाराही भुजबळांनी दिला.
Sudhir Mungantiwar: १३पर्यंत पक्के होते, १५ला नाव कटले! मंत्रिपदाबाबत सुधीर मुनगंटीवार यांचा गौप्यस्फोट
शेरोशायरीतीतून अजित पवार लक्ष्य
भुजबळांनी आपल्या खास शैलीत शेरोशायरी करीत अप्रत्यक्षपणे अजित पवारांना लक्ष्य केले. ‘मैं पुराने जमाने का सिक्का हूँ, मुझे फेक न देना, हो सकता है तुम्हारे बुरे दिनों में यही सिक्का चल जाये…’, ‘मेरे बारेमें कोई राय मत बनाना गालिब, एक ऐसा दौर भी आयेगा, मेरा वक्त भी बदलेगा और तेरी राय भी बदलेगी…’, ‘डर मुझे भी लगा फ़ासला देखकर, पर मैं बढ़ता गया रास्ता देखकर, ख़ुद ब ख़ुद मेरे नज़दीक आती गई, मेरी मंज़िल मेरा हौसला देखकर…’ अशा खास शैलीत शेरोशायरी करीत भुजबळांनी अजित पवारांना टोले लगावले. मंत्रि‍पदे आली अन् गेली, विरोधी पक्षनेता म्हणूनही काम केले. त्यामुळे मंत्रिपद मिळाले नाही याचे दु:ख नाही. पण, ‘ओबीसीं’नी तुम्हाला सरकार दिल्यानंतरही असे का केले? यामागे काय हेतू आहे? असे सवाल करीत भुजबळ यांनी अजित पवार यांना लक्ष्य केले.
ऑनलाइन प्रवेश घोटाळा; बोगस मार्कशीट, कागदपत्रांद्वारे ५० विद्यार्थ्यांचे अ‍ॅडमिशन, विद्याविहारमधील प्रकार
‘ओबीसी एक है तो सेफ है!’
आपला मराठा समाजाच्या आरक्षणाला कधीही विरोध नव्हता, उलट जास्तीत जास्त लोकांना आरक्षणाचा लाभ मिळावा यासाठी स्वतंत्र आरक्षण देण्याची मागणी आपणच सर्वप्रथम केली होती. पुन्हा एकदा ‘बीड’ होता कामा नये. त्यासाठी सर्व ओबीसी, दलित, मुस्लिम एकत्र राहिले तरच आपण सेफ राहू, असे सांगत भुजबळ यांनीदेखील ‘ओबीसी एक है तो सेफ है… ‘चा नारा दिला. ‘लाडक्या बहिणीं’ सोबतच ओबीसी समाजघटकांनीही राज्यात महायुतीला बहुमत मिळवून दिले. निवडणुका अजून संपलेल्या नाहीत. त्यामुळे आपल्याला गृहित धरू नये. स्थानिक स्वराज्य संस्थांच्या निवडणुका अद्याप व्हायच्या आहेत, असा सूचक इशाराही भुजबळांनी महायुतीला दिला.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस…. आणखी वाचा