महाविकास आघाडीच्या सरकारमध्ये तानाजी सावंत यांच्याकडे मंत्रिपद नव्हतं. ठाकरे सरकार पाडण्यात त्यांनी महत्त्वाची भूमिका बजावली. त्यानंतर सावंत यांना एकनाथ शिंदेंनी मुख्यमंत्री झाल्यानंतर कॅबिनेट मंत्री केलं. त्यांच्याकडे आरोग्य खात्याची धुरा देण्यात आली. आता फडणवीस सरकारमध्ये त्यांना स्थान मिळालेलं नाही. गेल्या २ दिवसांपासून त्यांच्या नाराजीच्या चर्चा सुरु होत्या. आता त्यांनी फेसबुकवरील डीपी आणि प्रोफाईल कव्हर बदललं आहे.
मला आदल्या रात्रीच मंत्रिपदासाठी फोन, पण…; डच्चू मिळालेल्या मुनगंटीवारांचा रोख कोणाकडे?
तानाजी सावंत यांचं फेसबुकवर अधिकृत पेज आहे. तासाभरापूर्वी त्यांनी पेजवरील डीपी आणि कव्हर फोटो बदलला आहे. डीपीवर आधी सावंत यांचा हसरा फोटो होता. त्याखाली धनुष्यबाण चिन्हासह शिवसेनेचा उल्लेख होता. पण आता नव्या डीपीमध्ये केवळ बाळासाहेब ठाकरेंचा फोटो आहे. त्यावर शिवसैनिक असा उल्लेख आहे.

तानाजी सावंत यांच्या फेसबुक पेजचं कव्हरदेखील बदलण्यात आलं आहे. आधीच्या कव्हर फोटोत संकल्प विकासाचा, निर्धार विजयाचा अशी घोषणा होती. सावंतांनी केलेल्या सामाजिक कामांचे फोटो होते. धनुष्यबाण चिन्ह होतं. आता त्याची जागा बाळासाहेबांच्या फोटोनं घेतली आहे. भगव्या वस्त्रांमधील बाळासाहेब, त्यांच्या गळ्यात रुद्राक्षांच्या माळ्या आणि शिवसैनिक असे शब्द कव्हरवर दिसत आहेत.
लाडक्या बहिणींना २१०० रुपये कधीपासून? पुरवणी मागण्यांच्या आकड्यांमधून महत्त्वाचे अपडेट
तानाजी सावंतांना पुन्हा मंत्रिपदी संधी दिली जाऊ नये म्हणून उपमुख्यमंत्री एकनाथ शिंदेंवर बराच दबाव होता. हा दबाव पक्षातील आमदारांसोबतच मित्रपक्ष असलेल्या भाजपमधूनही होता. स्वच्छ चारित्र्याचे, निष्कलंक नेतेच मंत्रिमंडळावेत यासाठी भाजप आग्रही होता. अब्दुल सत्तार, संजय राठोड, तानाजी सावंत या माजी मंत्र्यांविरोधात महायुतीमधूनच फिल्डींग लावण्यात आलेली होती. पैकी राठोड यांना मंत्रिपद मिळालं आहे.