Parbhani Meghana Bordikar Maharashtra Cabinet : राज्यात महायुतीच्या नेत्यांनी मंत्रिपदाची शपथ घेतली. यावेळी परभणीच्या आमदार मेघना बोर्डीकर यांनीही मंत्रिपदाची शपथ घेत त्यांच्या वडिलांची रामप्रसाद बोर्डीकर यांची इच्छा पूर्ण केली.
Maharashtra Cabinet Expansion : भाजपकडे १९, तर शिवसेना आणि राष्ट्रवादीचे किती मंत्री? कोणत्या पक्षातून कोणाला संधी; पाहा संपूर्ण यादीजिंतूर विधानसभा मतदारसंघातून आमदार म्हणून निवडून
मागील ४० वर्षांपासून परभणी जिल्ह्याचे राजकारण माजी आमदार रामप्रसाद बोर्डीकर आणि माजी मंत्री सुरेश वरपूडकर यांच्या भोवती फिरत आहे. माजी आमदार रामप्रसाद बोर्डीकर यांनी १९८५ पासून जिंतूर नगरपालिका पंचायत समिती बाजार समितीच्या माध्यमातून त्यांनी थेट मुंबई बाजार समितीचे सभापतीपद मिळवण्यापर्यंत मजल मारली होती. १९९० पासून काँग्रेसच्या तिकिटावर ते सातत्याने जिंतूर विधानसभा मतदारसंघातून आमदार म्हणून निवडून आले.
Ajit Pawar : …तर मंत्रीपद जाणार, वेगळा निर्णय घ्यावा लागू शकतो, अजित पवारांचा इशारा
बोर्डीकर मंत्रीपदापासून दूरच राहिले
१९९९ मध्ये त्यांनी शरद पवारांसोबत राष्ट्रवादी काँग्रेसमध्ये प्रवेश केला, पण त्यांना त्यानंतरच्या निवडणुकीत पराभवाला सामोरे जावे लागले. मात्र लगेचच स्थानिक स्वराज्य संस्थेच्या परभणी हिंगोली मतदारसंघातून ते विधान परिषदेवर निवडून आले. त्यानंतर पुन्हा त्यांनी काँग्रेसमध्ये प्रवेश केला आणि २००४ ते २००९ मध्ये विधानसभेत यश मिळवले. मात्र २०१४ च्या निवडणुकीत त्यांना राष्ट्रवादी काँग्रेसचे उमेदवार विजय भांबळे यांच्याकडून पराभव पत्करावा लागला. या दरम्यान माजी आमदार रामप्रसाद बोर्डीकर यांना राज्याच्या मंत्रिमंडळात आपण मंत्री व्हावे अशी प्रभळ इच्छाशक्ती होती. पण त्यांची ती इच्छा पूर्ण झाली नाही. राजकीय विरोधक असलेल्या सुरेश वरपूडकर यांची मंत्रीपदी वर्णी लागली पण बोर्डीकरांना मंत्रीपदापासून दूरच राहण्याचा योग आला होता.
३३ वर्षांनंतर मुंबईऐवजी नागपुरात शपथविधी; आता फडणवीस, त्यावेळी कोण होते महाराष्ट्राचे दीर्घकाळ राहिलेले CM
रामप्रसाद बोर्डीकरांच्या लेकीची मंत्री पदी नेमणूक
२०१९ च्या विधानसभा निवडणुकीत भारतीय जनता पक्षाने माजी आमदार रामप्रसाद बोर्डीकर यांच्या ऐवजी त्यांच्या कन्या मेघना बोर्डीकर यांना उमेदवारी दिली. मेघना बोर्डीकर यांच्या विरोधात राष्ट्रवादी काँग्रेसचे विजय भांबळे यांनी कडवे आव्हान दिले. पण मेघना बोर्डीकर यांनी विजय भांबळे यांचा दारुण पराभव केला.
दुसऱ्यांदा २०२४ च्या नुकत्याच झालेल्या विधानसभा निवडणुकीतही भाजप आमदार मेघना बोर्डीकर यांनी राष्ट्रवादीच्या विजय भांबळे यांचा दुसऱ्यांदा पराभव केला. सलग भाजपकडून दुसऱ्यांदा निवडून आलेल्या मेघना बोर्डीकर यांना यावेळेस मंत्रिपद मिळावे अशी जिल्ह्यातील सर्वच नागरिकांची इच्छा होती. आपल्या वडिलांची इच्छा पूर्ण व्हावी असेही आमदार मेघना बोर्डीकर यांना वाटत होते.
वडील ५ वेळा आमदार, इच्छा असूनही मंत्रिपद न मिळालेल्या वडिलांची इच्छा लेकीने पूर्ण केली, राज्यमंत्रिपदी वर्णी
आज नागपूर येथे भाजप आमदार मेघना बोर्डीकर यांनी राज्य मंत्रिपदाची शपथ ही घेतली. मेघना बोर्डीकर यांनी मंत्रीपदाची शपथ घेतल्यानंतर जिल्ह्यामध्ये जल्लोष सुरू आहे. जिंतूर सेलू शहरांमध पेढे वाटप करून जल्लोष केला जात आहे. आपल्या वडिलांचे मंत्री होण्याचे स्वप्न पूर्ण करणाऱ्या आमदार मेघना बोर्डीकर यांचे जिल्हावासियांकडून कौतुक केले जात आहे.
लेखकाबद्दलकरिश्मा भुर्केमहाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ४ वर्ष पत्रकारिता क्षेत्रातील अनुभव. सामाजिक, मनोरंजन विश्लेषणात्मक लेखनाची आवड…. आणखी वाचा