प्राचीन काळापासून ते आजपर्यंत दळणवळणासाठी वेगवेगळी साधने वापरली जातात. पण या मर्सिडीजच्या जमान्यात घोड्यांचं वेड मात्र तसंच आहे. त्याचीच प्रचिती ४०० वर्षांची परंपरा असलेल्या सारंगखेडा येथे येते. सारंगखेडामध्ये घोड्यांच्या विक्रीतून अवघ्या पंधरा दिवसात सुमारे दहा ते पंधरा कोटी रुपयांची उलाढाल होते. दत्त जयंती निमित्त भरणाऱ्या या यात्रेत पहिल्याच दिवशी एक लाखांहून जास्त नागरिकांनी भेट दिली.