बेस्ट बसचे महाव्यवस्थापक अनिल दिग्गीकर म्हणाले की, अपघात होताना चालकाने मद्यपान केल्याचे कुठेही निदर्शनास आलेलं नाही. तसेच पोलिसांच्या अहवालात देखील असं काही नमूद नाही. तो काही नवा ड्रायव्हर नाही. याआधी देखील त्याने अनेकदा ड्रायव्हिंग केलं आहे. चार वर्षे वेगवेगळ्या कंपन्यांच्या माध्यमातून त्याने काम केलं आहे.
पहिल्या नोकरीचा पहिलाच दिवस, पण तिच्या आयुष्याचा अखेरचा दिवस ठरला; कुर्ला बस अपघातातील हृदयद्रावक घटना

चौकशीसाठी विशेष समित्या स्थापन

अनिल दिग्गीकर पुढे म्हणाले, अपघाताची सखोल चौकशी केली जाणार आहे. चौकशीसाठी आम्ही दोन समित्या स्थापन केल्या आहेत.एका समितीमध्ये दोन आरटीओ अधिकारी आणि बेस्ट प्रशासनाचा एक असे अधिकारी आहेत. ही समिती दोनच दिवसांत आपला अहवाल सादर करेल. ज्यामध्ये ती गाडी सदोष होती की ड्रायव्हरची काही चूक होती याची माहिती देणार आहेत. तर दुसरी समिती जखमींच्या आणि मृतांच्या नातेवाईकांना भरपाईचे पैसे लवकर मिळावेत यासाठी काम करणार आहेत.

बस चालकाच्या पत्नीचं म्हणणं काय?

माझा नवरा दारु अजिबात नाही घेणार, एवढी मला गॅरंटी आहे, एवढा विश्वास मला माझ्या नवऱ्यावर आहे. तो कोणाला त्रास नाही देणार, आमच्या पूर्ण एरियातही कोणाकडे वर मान करुन तो कधी बोललेला नाही, अशी प्रतिक्रिया बस चालक संजय मोरेंच्या पत्नीने दिली होती.