मी पुणेकरच

‘पुण्यात ‘मी बाहेरून आलो’, ‘कोणाची तरी विधानसभेची जागा खेचून घेतली,’ असे आरोप माझ्यावर झाले; तरीही मी शांतपणे कार्यरत राहिलो. यंदाच्या विधानसभा निवडणुकीत राज्यात प्रचंड मताधिक्याने मी निवडून आलो. त्यामुळे मी पुणेकरच असल्याचे शिक्कामोर्तब झाले,’ अशा शब्दांत माजी मंत्री व कोथरूडचे आमदार चंद्रकांत पाटील यांनी विरोधकांना प्रत्युत्तर दिले.
Aamshya Padavi VIDEO | अशा कायद्याद्वारे संविधाना का… शपथ घेताना शिंदेंचा आमदार अडखळला, नंतर स्वतःच सांगितलं कारण
पाच वर्षांपूर्वी २०१९ मध्ये झालेल्या विधानसभा निवडणुकीत भारतीय जनता पक्षाने कोथरूड विधानसभेच्या तत्कालीन आमदार मेधा कुलकर्णी यांचे तिकीट कापून चंद्रकांत पाटील यांना उमेदवारी दिली होती. त्या वेळी त्यांच्यावर ‘बाहेरचा उमेदवार’ म्हणून विरोधकांकडून निशाणा साधला जात होता.

एक लाखांच्या मताधिक्याने कमळ फुलवलं

खुद्द चंद्रकांत पाटील यांनी देवेंद्र फडणवीस यांच्या उपस्थितीत कोल्हापूरला परतण्याची भाषा केली होती. यंदाच्या विधानसभा निवडणुकीतही शिवसेना नेते संजय राऊत यांनी ‘कोथरूडमधील कोल्हापूरचे पार्सल परत पाठवा,’ अशी खोचक टीका केली होती. मात्र, एक लाख १२ हजारांहून अधिक मताधिक्क्याने कोथरूडमध्ये पुन्हा कमळ फुलवून पाटील विजयी झाले.
Rahul Narwekar : विधानसभा अध्यक्षपदी पुन्हा राहुल नार्वेकरच का? पक्षात तुलनेने नवखे, तरी विश्वासू कसे झाले?
‘पुणे पुस्तक महोत्सवा’च्या नियोजनाच्या निमित्ताने फर्ग्युसन महाविद्यालयाच्या ॲम्फी थिएटरमध्ये झालेल्या बैठकीत चंद्रकांत पाटील यांनी या मताधिक्क्याचा दाखला देऊन आपण पुणेकरच असल्याचे शिक्कामोर्तब झाल्याचे नमूद केले. ‘मी १९८२पासून पुण्यात येत आहे. माझ्यावर बाहेरून आल्याची, कोणाची तरी विधानसभेची जागा खेचून घेतल्याची टीका झाली, तरी मी शांत राहिलो. यंदाच्या विधानसभा निवडणुकीत राज्यात सहाव्या क्रमांकाच्या सर्वाधिक मताधिक्क्याने निवडून येऊन मी पुणेकरच असल्याचे दाखवून दिले,’ असे ते म्हणाले.