विधानसभा निवडणुकीत शरद पवारांच्या पक्षाचा दारुण पराभव झाला. या पराभवामुळे आमदारांच्या मनात चलबिचल सुरु आहे का, असा प्रश्न रोहित पाटील यांना विचारण्यात आला. ‘आम्ही विधिमंडळात बसतो, विधिमंडळातून बाहेर पडतो, तेव्हा सगळ्यांसोबत चर्चा सुरु असते. सगळ्या गोष्टी चर्चेतून घडतात. त्यात मला कोणती विसंगती जाणवत नाही. त्यामुळे अशा प्रकारच्या चर्चांना काही अर्थ नाही. आमदार, खासदार एकत्रित आहेत. सुप्रिया सुळे लोकसभेत खासदारांचं नेतृत्त्व करत आहेत. आमदारांचं नेतृत्त्व विधिमंडळात जितेंद्र आव्हाड करतात. जयंत पाटील आमचे नेते आहेत. पाटील, आव्हाडांनी एका विचारानं सगळ्या आमदारांना एकत्र ठेवलंय,’ असं पाटील यांनी सांगितलं.
Raj Thackeray: मी महायुतीत असताना राज ठाकरेंची गरजच काय?; केंद्रीय मंत्र्यानं मनसेप्रमुखांना डिवचलं
उपमुख्यमंत्री अजित पवारांचा फोन आला होता का, असा सवाल रोहित पाटील यांना विचारण्यात आला. त्यावर मला त्यांचा फोन आलेला नाही. पक्षाचा कोणताही आमदार मला याबद्दल काही बोललेला नाही, असं उत्तर रोहित पाटील यांनी दिली. तुम्ही प्रतोद आहात. तुम्हाला सांगितलं तर थेट कारवाई होईल ना? असा प्रश्न पत्रकारानं विचारला. त्यावर व्हिप काढायचा अधिकार आहे. चीफ व्हिप आहे, असं उत्तर रोहित पाटील यांनी हसत हसत दिलं.
भाजप पुन्हा एकदा ‘शिंदे पॅटर्न’ राबवण्याच्या तयारीत; CMची खुर्ची धोक्यात, मित्रपक्ष भडकला
रोहित पाटील यांनी आज आमदारकीची शपथ घेतली. त्यावेळी काहीसं दडपण जाणवल्याची भावना त्यांनी बोलून दाखवली. ‘अनेकदा विविध सभांमध्ये भाषणं केली. पण आज आमदारकीची शपथ घेताना थोडंसं दडपण आलं होतं. ते येण्याचं कारण म्हणजे लोकांनी माझ्यावर टाकलेली जबाबदारी फार मोठी आहे. शपथ घेताना त्याची जाणीव झाली. लोकांनी माझ्यावर टाकलेला विश्वास येत्या काळात सार्थ ठरवेन. त्यादृष्टीनं माझी वाटचाल राहील,’ असं रोहित पाटील म्हणाले.