संतोष प्रल्हाद पवार (वय वर्ष ३८) राहणार मुधलवाडी तालुका पैठण, कय्युम मुंशी कुरेशी (वय ३८) राहणार मुधलवाडी पैठण असे मृत व्यक्तींचे नाव आहे. पोलिसांनी दिलेल्या माहितीनुसार, एक दुचाकी छत्रपती संभाजीनगरहून पैठण येथील मुधलवाडीच्या दिशेने जात होती. यावेळी ही दुचाकी वेगात असल्याची माहिती प्रत्यक्षदर्शींनी दिली आहे. यावेळी दुसरी दुचाकी चितेगाव जवळील आर. एल. स्टील कंपनी समोर बिडकीनहून छत्रपती संभाजीनगरकडे येत होती.

या दोन्ही बाजूच्या दुचाकी एम. एच. २० डीडब्ल्यू ५२८५, एम. एच. २० जीएच ८१२६ समोरासमोर धडकल्याने भीषण अपघात झाला. या भीषण अपघातात कय्युम कुरेशी, संतोष पवार यांचा जागीच मृत्यू झाला आहे. तर, उमेश देवरे (राहणार पाचोरा जिल्हा जळगाव), आकाश पुंडलिकराव पवार (राहणार चौका तालुका संभाजीनगर) हे गंभीर जखमी झाले आहेत. दोन्ही बाजूच्या गाड्या वेगात असल्यामुळे यात वाहनांचा अक्षरशा चुरडा झाला आहे.

या भीषण अपघातामुळे रस्त्यावर बघ्यांची गर्दी जमली होती. तर, मग घटनेची माहिती मिळताच बिडकीन पोलीस घटनास्थळी दाखल झाले. त्यांनी अपघातग्रस्त त्यांना तातडीने वाहनात टाकून घाटी रुग्णालयात दाखल केले. त्यानंतर रस्त्यावरील वाहतूक सुरळीत करण्यात आली. घाटी रुग्णालयामध्ये दाखल केल्यानंतर कयूम कुरेशी, संतोष पवार दोघांना डॉक्टरांनी तपासून मृत घोषित केले तर इतर व्यक्तींवर उपचार सुरू आहेत. या प्रकरणी बिडकीन पोलीस ठाण्यामध्ये नोंद करण्यात आले असून पुढील तपास पोलीस करीत आहेत.