महाराष्ट्राच्या मुख्यमंत्री आणि उपमुख्यमंत्र्याच्या शपथविधीचा सोहळा मुंबईतील आझाद मैदानावर होणार होता. त्याआधी उदय सामंत यांनी पत्रकार परिषद घेत लोकसत्ताच्या त्या व्हायरल कार्डबद्दल पत्रकारांना माहिती दिली. इतकंच नाहीतर त्यांनी आपण कायदेशीर कारवाई करणार असल्याचंही म्हटल होतं. सोशल मीडियावर व्हायरल होत असलेल्या कार्डमध्ये नेमकं काय होतं? याबद्दल सजग टीमने याची सत्यता पडताळून पाहिली तर सत्य वेगळेच होते. कारण लोकसत्ताचे ते कार्ड एडिट केलेले असल्याने सामंत यांचा गैरसमज झाला होता.

“मी पक्षप्रमुख म्हणून काम करेल व संघटन वाढवेन असे एकनाथ शिंदे आम्हाला म्हणाले होते. पण देवेंद्र म्हणाले की भविष्यात तुमचा पक्ष व चिन्ह जाणार आहे. मग काय डोमल्याचं संघटन वाढवणार काय? मग त्यानंतर एकनाथ शिंदे मुख्यमंत्रिपद स्वीकारायला तयार झाले”- उदय सामंत, शिवसेना (एकनाथ शिंदे)

उदय सामंत यांचे हे वक्तव्य नव्हतेच कारण सजग टीमच्या तपासामध्ये ते कार्ड एडिट केल्याचं समोर आलं. मात्र सोशल मीडियावर तेच मोठ्या प्रमाणात व्हायरल झाले. त्यामुळे अनेकांचा गैरसमज झाला आहे.

लोकसत्ताने उदय सामंत यांच्या वक्तव्याचे जे कार्ड होते ते त्यावर त्यांनी केलेले वक्तव्य वेगळेच होते. उदय सामंत यांनी, मी पक्षप्रमुख म्हणून काम करेल व संघटन वाढवेन असे एकनाथ शिंदे आम्हाला म्हणाले होते. मात्र आम्हा सगळ्या आमदारांची इच्छा आहे की त्यांनी उपमुख्यमंत्रिपद स्वीकारावं. एकनाथ शिंदे यांनी प्रशासनात जावं अशी आमची इच्छा आहे, असे वक्तव्य केले होते. लोकसत्तानेही हे वक्तव्य बरोबर त्यामध्ये काहीही वेगळे समाविष्ट केले नाही. मात्र सोशल मीडियावर ते कार्ड एडिट केले गेले आणि त्यावरील वक्तव्यामध्ये बदल करण्यात आला होता.
निष्कर्ष : उदय सामंत यांना लोकसत्ता ऑनलाईच्या संपादकांनी संपर्क साधला आणि घडलेला सर्व प्रकार सांगितला. त्यानंतर उदय सामंत यांनी लोकसत्ताचे ते कार्ड डिलीट करत एक्स हँडलवर पोस्ट करत लोकसत्ताचा कुठलाही संबंध नसल्याचं लोगो वापरून फेक बातमी केल्याचं त्यांनी सांगितलं. सजग टीमने या संपूर्ण प्रकरणाची सत्यता पडताळली आणि सोशल मीडियावर व्हायरल होत असलेली पोस्ट खोटी असल्याचं समोर आलं आहे.