यावेळी बालकामगार बंदीचा देखील ठराव घेण्यात आला. बाल कामगार मुक्त गाव करण्यासाठी बालकामगार दाखवा एक हजार रुपये मिळवा असे स्लोगन ठरवून बालकामगार निदर्शनास आल्यास त्याचा फोटो काढून ग्रामपंचायतीकडे आणून द्यावा त्या व्यक्तीस एक हजार रुपये बक्षीस दिले जाईल, असे ठरले.

गावामध्ये बालविवाह शंभर टक्के बंदी करण्यात आलेले आहे. गावात कुणीही बालविवाह करू नये, केल्यास कायदेशीर कारवाई करण्यात येईल, असेही ग्रामसभेत ठरले. सोशल मीडियाच्या आणि मोबाईलमुळे शालेय विद्यार्थी अभ्यास करत नसल्याचे निदर्शनास आल्याने यापुढे संध्याकाळी 7 ते 9 यावेळेत घरातील शालेय विद्यार्थ्याकडे मोबाईल द्यायचा नाही असाही ठराव ग्रामसभेत घेण्यात आला. या सर्व ठरावांची सूचना सरपंच शरद आरगडे यांनी मांडली व अनुमोदन गणेश आरगडे यांनी दिले.
Gondia Accident : पती गेल्यावर बाळाला सांभाळलं, नोकरीवर जाताना काळाचा घाला, ३२ वर्षीय माऊलीचा करुण अंत

ठरावात काय नमूद?

टोकाच्या भांडणाचे मूळ कारण म्हणजे शिवीगाळ करणे असते. शिवीगाळ करताना अर्वाच भाषेत महिलांच्या खाजगी भागा विषयी आरडून ओरडून सार्वजनिक ठिकाणी उल्लेख केला जातो. वास्तविक पाहता स्त्रियांचा त्या भांडणामध्ये कुठल्याही प्रकारचा संबंध नसतो तरी देखील तेथे स्त्री देहाचा अपमान केला जातो. शिवीगाळ करणारा हे वास्तविक विसरतो की आपण ज्या स्त्रीच्या खाजगी भागाचा उल्लेख करत आहोत तो भाग आपल्या आईला बहिणीला मुलीला देखील आहे.
Sindhudurg Murder : दशावतारात स्त्रीपात्र आणि ‘ते’ रील्स; निवृत्त पोलिसाची मामाच्या २४ वर्षीय मुलावर जबरदस्ती, रात्री नग्नावस्थेतच प्राण सोडले
नऊ महिने ज्या आईच्या उदरात राहून जन्म घेतलेला असतो अश्या पवित्र देहाचा अपमान करतो हे चुकीचे असल्याने शिवीगाळ देण्यास बंदी आणण्यासाठी ग्रामपंचायतीने या बाबत कडक भूमिका घेऊन शिवीगाळ करणाऱ्या व्यक्तीस पाचशे रु दंड करावा व तो न भरल्यास ग्रा. पं. दप्तरी त्याची नोंद घेऊन वसूल करण्यात यावा असे आजच्या सभेत सर्वानुमते ठराव मंजूर करण्यात आला.