भाजपच्या उमेदवारांना भाजपच्याच बंडखोरांनी अडचणीत आणले असतानाही त्यांच्यावर कारवाई केली जात नव्हती. अखेरीस सोमवारी प्रचार संपल्यानंतर शहराध्यक्ष प्रशांत जाधव यांनी या सर्वांची हकालपट्टी करीत असल्याचे जाहीर केले. विधानसभा निवडणुकीत नाशिक शहरातील तीन मतदारसंघांमध्ये सर्वाधिक बंडखोरी ही भाजपमध्ये झाली आहे. भाजपच्या सर्वाधिक नाराजांनी आपल्याच उमेदवारांविरोधात अर्ज दाखल करून भाजपच्याच उमेदवारांना जेरीस आणले होते. त्यात नाशिक पूर्व मतदारसंघात भाजपचे उमेदवार आमदार अॅड. राहुल ढिकलेंविरोधात स्थायी समितीचे माजी सभापती गणेश गितेंनी बंडखोरी करीत राष्ट्रवादी (शरद पवार गट) काँग्रेसकडून उमेदवारी केली आहे. माजी नगरसेवक कमलेश बोडके यांनीही पक्षविरोधी भूमिका घेतली.
महायुतीचं सरकार आल्यास शेतकऱ्यांना कर्जमाफी; चांदवडमधील सभेत देवेंद्र फडणवीस यांचं आश्वासन
नाशिक पश्चिममध्ये भाजपच्या उमेदवार आमदार सीमा हिरेंविरोधात माजी सभागृह नेते दिनकर पाटील यांनी बंडखोरी करीत मनसेकडून उमेदवारी केली आहे. इंदुमती नागरे, पल्लवी पाटील, मुधकर हिंगमिरे, रवींद्र धीवरे यांनीही विरोधी पक्षाच्या उमेदवारांचा प्रचार केला. त्यामुळे या सर्वांवर भाजपकडून तत्काळ कारवाई कारवाई होणे अपेक्षित होते. परंतु, मतदानाला एक दिवस शिल्लक असताना उशिरा का होईना पक्षाने सात माजी नगरसेवकांसह १६ जणावंर हकालपट्टीची कारवाई केली आहे. शहरात पक्षाचे काम करताना ज्यांनी ज्यांनी पक्षाच्या विरोधात काम केले अशा सर्वांचा अहवाल प्रदेश भाजपकडे पाठविण्यात आला होता. त्यानुसार प्रदेश नेतृत्वाने ही कारवाई केल्याचे जाधव यांनी सांगितले.
भरलेल्या बॅगा मातोश्रीत, रिकाम्या बॅगा बाहेर निघतात; ठाकरेंच्या बॅग तपासणीवरुन शिंदेंचा टोला
… यांच्यावर झाली कारवाई माजी नगरसेवक गणेश गिते, दिनकर पाटील, कमलेश बोडके, रवींद्र धिवरे, मधुकर हिंगमिरे, माजी नगरसेविका इंदुमती नागरे, पल्लवी पाटील, भाजप नाशिक महानगर जिल्हा उपाध्यक्ष नीलेश भंदुरे, सातपूर मंडल सरचिटणीस रुपेश पाटील, प्रदेश कामगार आघाडी सरचिटणीस विक्रम नागरे, युवा मोर्चा शहर उपाध्यक्ष सार्थक नागरे, पंचवटी मंडल महिला अध्यक्षा अनिता सोनवणे, प्रभाग क्रमांक एकमधील युवा मोर्चाचे अध्यक्ष आदित्य पवार, किसान मोर्चाचे चिटणीस हेमंत आगळे, युवा मोर्चाचे नाशिक महानगर जिल्हा उपाध्यक्ष गणेश काकड, युवा मोर्चाचे नाशिक महानगर सरचिटणीस अमोल दिनकर पाटील यांच्यावर हकालपट्टीची कारवाई झाली आहे.