कोणत्याही कागदपत्रांशिवाय सुरू होता व्यवहार

वैशाली किशोर सोनावणे (३५, रा. सिध्दार्थनगर झोपडपट्टी, कोपर रोड, डोंबिवली-पश्चिम) या दलाली करणाऱ्या महिलेच्या माध्यमातून हा खरेदी-विक्री व्यवहार सुरू होता. वैशाली ही मूळची मालेगावची रहिवासी आहे. रेखा बाळू सोनावणे (३२) ही विक्री व्यवहारातील बालिकेची आई आहे. रेखा ही कल्याण पश्चिमेकडे असलेल्या रेल्वे स्थानक भागात राहते. या प्रकरणात महात्मा फुले चौक पोलिसांनी किशोर रमेश सोनावणे (३४) या रिक्षावाल्याला देखील अटक केली आहे.
सॉफ्टवेअर इंजिनिअरने एकाच कुटुंबातील ५ जणांना संपवलं, पोलीस तपासात हत्याकांडबाबत धक्कादायक माहिती उघड
ठाणे जिल्हा शहर पोलिसांनी दिलेल्या माहितीनुसार, ठाणे गुन्हे अन्वेषण शाखेच्या अनैतिक मानवी वाहतूक प्रतिबंध कक्षाला डोंबिवलीत राहणारी वैशाली आणि इतर दलाल हे एका स्त्री किंवा पुरूष जातीच्या बाळाचा कोणत्याही कागदपत्रांची पूर्तता न करता खरेदी-विक्रीचा व्यवहार करणार असल्याची माहिती खासगी गुप्तहेरांकडून मिळाली होती. त्यानुसार अनैतिक मानवी वाहतूक प्रतिबंधक कक्षाच्या वरिष्ठ पोलिस निरीक्षक चेतना चौधरी यांनी खास पथक तयार करून खरेदी-विक्रीचा व्यवहार करणाऱ्यांना सापळ्यात अडकवण्याची व्यूहरचना आखली.
कोण आहेत कॅप्टन सविता? अशीही लाडकी बहीण जिच्यामुळे नेते मंडळी सभास्थळी वेळेत पोहोचतात

पोलिसांनी बनावट ग्राहक बनून सापळा रचला

पोलिसांनी बाळ खरेदीसाठी एक बनावट ग्राहक तयार केला. या ग्राहकाच्या माध्यमातून पोलीस दलाल महिलेच्या संपर्कात आले. दलाल महिलेने तिच्याकडे स्त्री जातीचे ४२ दिवसांचे बालक असल्याचे सदर बनावट ग्राहकाला सांगितले. ही बालिका पाहिजे असेल तर आपणास चार लाख रूपये द्यावे लागतील, असेही मध्यस्थीने सांगितले. या व्यवहारातील बालक आम्ही कल्याण पश्चिमेतील रामदेव हॉटेलजवळ सहजानंद चौक भागात घेऊन येणार आहोत. प्रथम तुम्ही बालिकेला पाहा मग पैसे घेऊन या, असा निरोप दलाल महिलेने बनावट ग्राहकाला दिला. दलाल महिला सहजानंद चौकात मंगळवारी येणार असल्याचे समजल्यानंतर वरिष्ठ पोलिस निरीक्षक चेतना चौधरी यांच्या नेतृत्वाखाली पथकाने त्या भागात सापळा लावला.

दलाल महिलेसह चौघांना पोलिसांकडून अटक

दलाल महिलेसह गुन्हा दाखल करण्यात आलेले चारही व्यक्ती बनावट ग्राहकाला लहान बालिका दाखवणं आणि खरेदी-विक्रीचा व्यवहार सुरू होता. त्यावेळी सापळा लावलेल्या पथकाने दलाल महिलेसह इतरांवर झडप घालून त्यांना अटक केली. जागरूक तक्रारदारांच्या पुढाकारामुळे बालिकेचा खरेदी-विक्री व्यवहार उघडकीस आला. याप्रकरणी महात्मा फुले चौक पोलिस ठाण्यात भारतीय न्याय संहितेमधील मुलांची काळजी आणि संरक्षण कायद्याने चारही जणांवर गुन्हा दाखल केला.
मुंबईहून लग्नासाठी निघाले, महामार्गावर पहाटेच्या वेळी अनर्थ; कारचा चक्काचूर; बाप-लेकाचा दुर्दैवी अंत

भीक मागणाऱ्या महिलेला आधीच तीन अपत्य, चौथ्या मुलीची होणार होती विक्री

भीक मागणारी महिला रेखा सोनावणेच्या दीड महिन्याच्या बालिकेचा खरेदी-विक्रीचा व्यवहार चार जण करत होते. या महिलेला पाच वर्षांचा मुलगा, सात आणि नऊ वर्षाच्या दोन मुली असल्याचे पथकाच्या निदर्शनास आले. पथकाने ही बाळे ताब्यात घेतली. सुरक्षा आणि देखरेखीसाठी पाच वर्षाच्या मुलाला डोंबिवली जिमखाना रोडला असलेल्या जननी आशीष बालगृहात, तर दोन बहिणींना अंबरनाथ येथील नीला बालसदन येथे ठेवण्यात आले. ही कारवाई वरिष्ठ पोलिस निरीक्षक चेतना चौधरी आणि उपनिरीक्षक स्नेहल शिंदे यांच्या पथकाने पार पाडली.