कोल्हापूर : ”आम्ही शिवसेना ठाकरे गट पूर्ण ताकतीने शाहू महाराजांचा प्रचार करणार आहोत आणि शाहू महाराजांना निवडून देत संसदेत पाठवायला त्यांच्यामागे जबरदस्त ताकद लावणार आहोत. यामुळे कोणत्‍याही अफवांवर विश्‍वास ठेवू नये” असं शिवसेना ठाकरे गटाचे संपर्कप्रमुख अरूण दुधवडकर यांनी ”महाराष्ट्र टाइम्स ऑनलाइन”शी बोलताना म्हटले आहे.काँग्रेस व शिवसेना उद्धव ठाकरे गट राज्‍यातील काही लोकसभा जागांवर मैत्रीपूर्ण लढती लढणार असल्याचे स्‍पष्‍ट झाले. कोल्हापूर लोकसभा निवडणुकीसाठी महाविकास आघाडी मधील घटक पक्ष असलेल्या काँग्रेसमधून शाहू महाराज छत्रपती यांना उमेदवारी जाहीर करण्यात आली आहे. मात्र दुसऱ्या बाजूला सांगली च्या जागेवरून काँग्रेस आणि शिवसेना ठाकरे गटामध्ये वाद निर्माण झाला होता. अशातच पक्षप्रमुख उद्धव ठाकरे यांनी सांगली मधून चंद्रहार पाटील यांची उमेदवारी जाहीर केल्याने या जागेवरून शिवसेना ठाकरे गट आणि काँग्रेसमध्ये चांगलाच वाद निर्माण झाला आहे.
Baramati Lok Sabha: कोण कोणावर पडणार भारी… बारामतीत पवार विरुद्ध पवार लढतीकडे देशाचे लक्ष
गेल्या काही दिवसांपूर्वी उद्धव ठाकरे सांगली दौऱ्यावर आले असताना कोल्हापूर विमानतळावरून त्यांनी थेट शाहू महाराज यांची नवीन राजवाडा येथे भेट घेतली. तसेच मी केवळ तूमच्‍या प्रचारात नाही तर विजयी सभेला ही येणार, अशी ग्‍वाही ठाकरे यांनी दिली होती. त्‍या दिवसांपासून ठाकरे गटाचे कार्यकर्ते शाहू महाराज यांच्या प्रचारात सक्रीय झाले आहेत. मात्र केला काही दिवसात जागा वाटपाच्‍या चर्चेत सांगली, भिवंडीसह मुंबईतील तीन जागांबाबत काँग्रेस व ठाकरे गटात तोडगा न निघाल्‍याने शिवसेना ठाकरे गट व काँग्रेस मध्ये काही मतदार संघात मैत्रीपूर्ण लढतील लढणार असल्याची माहिती समोर येऊ लागली.
Baramati Lok Sabha: कोण कोणावर पडणार भारी… बारामतीत पवार विरुद्ध पवार लढतीकडे देशाचे लक्षगेल्या काही दिवसांपूर्वी उद्धव ठाकरे सांगली दौऱ्यावर आले असताना कोल्हापूर विमानतळावरून त्यांनी थेट शाहू महाराज यांची नवीन राजवाडा येथे भेट घेतली. तसेच मी केवळ तूमच्‍या प्रचारात नाही तर विजयी सभेला ही येणार, अशी ग्‍वाही ठाकरे यांनी दिली होती. त्‍या दिवसांपासून ठाकरे गटाचे कार्यकर्ते शाहू महाराज यांच्या प्रचारात सक्रीय झाले आहेत. मात्र केला काही दिवसात जागा वाटपाच्‍या चर्चेत सांगली, भिवंडीसह मुंबईतील तीन जागांबाबत काँग्रेस व ठाकरे गटात तोडगा न निघाल्‍याने शिवसेना ठाकरे गट व काँग्रेस मध्ये काही मतदार संघात मैत्रीपूर्ण लढतील लढणार असल्याची माहिती समोर येऊ लागली.
याअनुषंगाने काँग्रेसवर दबाव टाकण्यासाठी कोल्‍हापूरातील ठाकरे गटाच्या शिवसैनिकांनी महाविकास आघाडीचे उमेदवार शाहू महाराज यांच्या प्रचारात सहभागी न होण्‍याचा निर्णय घेत ३१ मार्च रोजी होणारा शिवसेना ठाकरे गटाचा मेळावा रद्द केल्याच्या बातम्या चॅनलवर प्रसिध्‍द झाल्‍या. दरम्यान या संदर्भात या मेळाव्याला प्रमुख उपस्थिती लावणारे ठाकरे गटाचे संपर्कप्रमुख अरुण दुधवडकर यांच्याशी संपर्क केला असता त्यांनी ठाकरे गट शाहू महाराजांचा प्रचार करणार नाही अशा पद्धतीच्या आलेल्या बातम्या या चुकीच्या आहेत. उद्धव ठाकरे जेव्हा सांगली दौऱ्यावर आले होते. तेव्हा कोल्हापूर विमानतळावर उतरताच प्रथम त्यांनी शाहू महाराजांची भेट घेतली आणि त्यांना शुभेच्छा देत आमचा पूर्णपणे पाठिंबा असल्याचे सांगितले आहे. त्यामुळे शाहू महाराजांचा प्रचार करणार नाही अशी चुकीची गोष्ट आमचा कोणताही शिवसैनिक किंवा पदाधिकारी करणार नाही. ठाकरे गट पूर्ण ताकतीने शाहू महाराजांचा प्रचार करणार आणि त्यांना संसदेत पाठवायला जबरदस्त ताकद लावणार आहे, असे दुधवडकर म्हणाले आहेत.
तसेच उद्या ३१ मार्च रोजी पार पडणारा ठाकरे गटाच्या मेळावाला मी प्रमुख पाहुणा म्हणून येणार होतो. मात्र आमची महाविकास आघाडीची मुंबईमध्ये बैठक असल्याने हा मेळावा आणखी पुढील दोन दिवसांनी घ्यावे असे शहरप्रमुख रविकिरण इंगवले , सुनील मोदी व जिल्हाप्रमुख संजय पवार यांना सांगितलं आहे. येत्या दोन दिवसात भव्य दिव्य असा शिवसेना ठाकरे गटाचा मेळावा आम्ही घेऊ असे ही अरुण दुधवडकर म्हणाले आहेत. तसेच सांगलीच्या जागेबाबत काँग्रेस आणि शिवसेनेमध्ये जो तिढा निर्माण झाला आहे तो वरिष्ठ पातळीवरील प्रश्न आहे. मात्र उद्धव ठाकरे यांनी जर या जागेवर चंद्रहार पाटील यांचे नाव जाहीर केले आहे. म्हणजे त्याच्या मागे काहीतरी चर्चा झाली असेल आणि त्यानंतरच उमेदवार जाहीर केला असेल. मात्र सांगलीच्या जागेचा तिढा आणि कोल्हापूरात शाहू महाराजांचा प्रचार याचा काहीही संबंध नाही, असेही दुधवडकर यांनी म्हटले आहे.