रायगड: कोकणात लोकसभेच्या जागा वाटपावरून महायुतीमध्ये दावे प्रतितावे सुरू असताना आता रायगड लोकसभा मतदारसंघातून या २०२४च्या लोकसभा निवडणुकीनंतर खासदार म्हणून सुनील तटकरे हे दिल्लीला जातील असा विश्वास कृषिमंत्री धनंजय मुंडे यांनी व्यक्त केला. इतक नाही तर तटकरे दिल्लीत केंद्रात मंत्री होतील असे मुंडे रायगड जिल्ह्यातील रोहा येथे बोलत होते. हे स्वप्न पूर्ण झाल्यावर आपण रोहा येथे येऊन तटकरेंचा सत्कार करू असे मुंडे म्हणाले.
विक्रमी मतांनी तटकरे साहेबांना पुन्हा एकदा आपल्याला दिल्लीच्या सार्वभौम सभागृहात बसवायच आहे, एवढी कळकळीची विनंती करत विक्रमी मतांनी विजयी करा, असे आवाहन धनंजय मुंडे यांनी केले.
मागच्या अनेक वर्षांचा विकास आणि या दहा वर्षांमध्ये पंतप्रधान नरेंद्र मोदींच्या नेतृत्वाखाली झालेला विकास याची तुला स्वतःच्या हृदयावर हात ठेवून विचारा की फरक पडलाय की नाही. नरेंद्र मोदी यांच्यामुळे जगभरामध्ये आपल्या देशाची इतकी मोठी प्रतिष्ठा झाली आहे. विचारांशी कोणतीही तडजोड न करता छत्रपती शिवाजी महाराज, शाहू फुले आंबेडकर या पुरोगामी विचारांशी कसलीही तडजोड न करता देशाच्या विकासामध्ये आपलेही योगदान द्यावे यासाठी आपण या ठिकाणी सामोरे गेलो, असे मुंडे म्हणाले. आपल्याला आता थोडा काळ सत्तेत सहभागी होता म्हणून पुन्हा एकदा आपल्याला खासदार तटकरे साहेबांना दिल्लीला सत्तेत पाठवायच आहे, असा विश्वास धनंजय मुंडे यांनी कार्यकर्ता मेळाव्यात बोलताना व्यक्त केला.
छत्रपती शिवाजी महाराजांनी स्थापन केलेल्या ज्या हिंदवी स्वराज्याची राजधानी रायगड होती. त्या रायगडचा तक्त आज दिल्लीत तटकरे साहेब राखत आहेत, यासारखी मोठी भाग्याची कोणती दुसरी गोष्ट नाही. तटकरे यांच्या तीन पिढ्यांच असलेले नाते सुदृढ करत टिकवण्याची मोठी जबाबदारी व मोठे काम केले असेल तर ते तुम्ही केल आहे. इतकेच नाही तर अजित दादांच्या राष्ट्रवादीचा प्रदेशाध्यक्ष संभाळत अख्खा महाराष्ट्रात आमच्यासारखे कार्यकर्त्यांच्या मागे उभे राहत कोकणाचा तळ राखायचा हे अद्भुत नेतृत्व आहे. अनेक सामान्य माणसासाठी तुम्ही स्वतःला झिजवले म्हणून हे तुम्हाला बघायला मिळत आहे.२०१९ साली आपण दिल्ली गाठली आणि आता २०२४ साली सुद्धा पुन्हा आपण दिल्ली गाठणार ‘दिल्लीचेही तक्त राखीतो’ हा रायगड आमूचा हे आपल्याला म्हणायचं आहे, असेही मुंडे म्हणाले.